Königreich Rumänien

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Königriich Rumänie
Regatul României
1881-1947
Nationalflagge vom Königriich Rumänie Wappe vom Königriich Rumänie 1921-1947
Flagge Wappe
Navigation
Fürstetum Rumänie Fürstetum RumänieVolksrepublik Rumänie Volksrepublik Rumänie
Verfassig Verfassig vo de vereinigte Fürstetümer
1881–1923
Verfassig vom 29. März 1923
1923–1938
Verfassig vom 27. Februar 1938 (PDF; 57 kB)
1938–1947
Atmssprach Rumänisch
Hauptstadt Bukarest
Staatsform Königriich
Regierigsform Konstitutionelli Monarchii
Königsdiktatur 1938–1940
Militärdiktatur 1940–1944
Staatsoberhaupt König
Karl I. (1881–1914)
Ferdinand I. (1914–1927)
Michael I. (1927–1930 / 1940–1944/1947)
Karl II. (1930–1940)
Staatsfüherer
Ion Antonescu (1940–1944)
Regierigschef Ministerpräsidänt
Staatsfüherer (1940–1944)
Erste
Ion Brătianu
(1881)
Letste

Petru Groza
(1945-1947)
Flächi 295.049 km² (1939)
Iwohner 18.057.028 (1930)
Bevölkerigsdichti 67.8 Iiwohner pro km² (1939)
Nationalhymne Trăiască Regele
Währig Rumänische Leu
Karte

S Königriich Rumänie 1942

S Königriich Rumänie (rumänisch Regatul României) isch en historische Staat in Südoschteuropa ksi. Er hät vo sinere Unabhängigkeit 1881 bis zu de Usrüefig vo de Volksrepublik Rumänie 1947 existiert. S Königriich isch de Nachfolgestaat vom rumänische Fürstetum ksi.

Im Friidensschluss vo Bukarest (lueg Erste Wältchrieg sind d Gebiet Bessarabie, Bukowina und Transsylvanie no zu de Monarchii cho. Vo döt chunt d Bezeichnig Grossrumänie, wo sich i de 1930er Jahr entwicklet hät. Nach starche Gebietsverlust, wo zur Abdankig vom König Carol II. gfüert häi, hät Rumänie unter em Ion Antonescu am Zweite Wältchrieg uf de Site vo de Achsemächt teilgno und het Dütschland Öl, Getreid und Industriiprodukt gliiferet, bis s Land 1944 von de Rote Armee bsetzt worde isch.

Geographie[ändere | Quälltäxt bearbeite]

S Rumänische Königriich hät sich us de historische Regione Bessarabie, Bukowina, Transsylvanie und em ehemalige Fürstetum Rumänie zämmegsetzt. De Charakter vo de Landschaft i de einzelne Landesteil vom Königriich sind sehr unterschiedlich ksi. De Staat hät Gränze zu Jugoslawie, Ungarn, de Tschechoslowakei, zu Pole, zu Bulgarie und zu de Sowjetunion ka.

Entwicklig[ändere | Quälltäxt bearbeite]

Gründigsurkund vom Königriich Rumänie

1859 isch s Fürstentum Rumänie dur d Vereinigung vo de beide Donaufürstetümer Moldau und de Walachei under em Hohenzollerekönig entstande. De Fürst Karl I. hät 1878 d Unabhängigkeit vom Osmanische Riich erklärt, wo 1878 uf em Berliner Kongräss vo de europäische Großmächt anerkännt worde isch.

1907 isch es zu em Buureufstand cho, wo s Königriich für e Ziit politisch destabilisiert hät. Im Erste Balkanchrieg 1912 isch Rumänie neutral bliibe, hät aber im Zweite Balkanchrieg 1913 gäge Bulgarie kämpft und hät d Süddobrudscha (es Stück vo Bulgarie) übercho.

Wo 1914 de Ersti Wältchrieg usbroche isch, hät Rumänie sini Neutralität erklärt, isch jedoch 1916 de Alliierte biträte. Nach de Niiderlag vo Dütschland und Östriich-Ungarn isch es 1918 zum Friide vo Bukarest cho. Döt hät d Monarchii d Gebiet Bessarabie, d Bukowina und Transsylvanie übercho.[1]

1919 isch es zu em Chrieg gäge s Königriich Ungarn cho. Rumänie isch zämme mit de Tschechoslowakei (ČSR) als Siiger hervorgange. 1920 häts, um s gwunnene Territorium z sichere, mit Jugoslawie und de ČSR d Chlini Entente gäge die revisionistische Ungare gschlosse. I de spate 1920er und 30er Jahr hät sich s Land wirtschaftlich modernisiert und isch nach Griecheland und Bulgarie s wirtschaftlich stärchste Land vom Balkan ksi. Am 9. Februar 1934 hät Rumänie mit de Grieche, Jugoslawie und de Türkei d Balkanentente gäge Bulgarie gründet. Nachere politische Krise hät ab 1938 de König Carol II. s Land immer mee diktatorisch regiert.

Im Zweite Wältchrieg hät s Königriich dur de Zweiti Wiener Schiedsspruch 1940 d Süddobrudscha a Bulgarie, Nordsiebebürge a Ungarn, Bessarabie und die nördlichi Bukowina a d Sowjetunion müsse abträte. S Land isch nach däm zu em Rumpfstaat worde und isch zu em Satellitestaat vo Italie und Nazi-Dütschland worde. Im Novämber 1940 hät es sich mit de Italiäner, Dütsche und Japaner verbündet und hät 1941 am Agriff uf d Sowjetunion teilgno. Defür häts Land Bessarabie und d Nordbukowina zruckübercho und hät Transnistrie bsetzt und annektiert.

1943/44 hät di sowjetischi Roti Armee s Land schrittwiis bsetzt. De General Ion Antonescu, wo sit 1940 diktatorisch regiert hät, isch vom König Michael I. gstürzt worde und s Land hät d Site gwächslet. Nach em Zweite Wältchrieg isch s Königriich 1946 uf de Gebietsstand vo 1939 zruckta worde. 1947 hät es schliesslich alli sini restliche Gebiet ufgä müsse und hät lediglich Nordsiibebürge vo Ungarn zruckübercho. Im Dezämber 1947 isch de Michael I. vo de Kommuniste, wo sit 1945 an dr Macht ksi si, zur Abdankig zwunge worde. 1948 hät s komunistische Regime d Republik usgrüeft.

S Königriich Rumänie 1938

Bevölkerig[ändere | Quälltäxt bearbeite]

Ethnischi Gruppe vo Rumänie 1942

Lut de rumänische Volkszählig im Jahr 1930 hät Rumänie 18.057.028 Iwohner ka, devo händ Rumäne mit 71,9 % de grössti Teil vo de Bevölkerig usgmacht. D ethnischi Minderheite vom Land händ 28,1 % vo de Bevölkerig usgmacht.

Nationalitäte vom Königriich Rumänie 1930 [2]
Nationalität Anzahl  %
Rumäne 12,981,324 71.9
Magyare 1,425,507 7.9
Dütschi 745,421 4.1
Jude 728,115 4.0
Ukrainer 582,115 3.2
Russe 409,150 2.3
Bulgare 366,384 2.0
Roma 262,501 1.5
Türke 154,772 0.9
Gagause 105,750 0.6
Tscheche und Slowake 51,842 0.3
Serbe, Kroate and Slowene 51,062 0.3
Pole 48,310 0.3
Grieche 26,495 0.1
Tatare 22,141 0.1
Armenier 15,544 0.0
Huzule 12,456 0.0
Albaner 4,670 0.0
Anderi 56,355 0.3
keini Agab 7,114 0.0
Gsamt 18,057,028 100.0

Administrativi Gliederiig[ändere | Quälltäxt bearbeite]

D Administrativi Gliederiig vom Rumänische Königriich 1942

Nach de Unabhängigkeit isch s rumänische Altriich i 33 Landkreis unterteilt worde. Nach em Erste Wältchrieg isch mit em Verwaltigsrächt vo 1925 s Königriich i 71 Landkreis, 489 Stadtteil (plăşi) und 8879 Gemeinde unterteilt worde. Im Jahr 1938 hät de Karl II. e neui Verfassig verkündet. S Königriich isch bis 1947 i zäh ţinuturi (Länder) unterteilt worde.

Lueg au[ändere | Quälltäxt bearbeite]

Einzelnachwiis[ändere | Quälltäxt bearbeite]

  1. STATUL NATIONAL UNITAR (ROMÂNIA MARE 1919 - 1940)
  2. Populaţia pe Neamuri (auf Romanian), S. XXIV, Institutul Central de Statistică(Zugriff am 27. Oktober 2011)

Weblinks[ändere | Quälltäxt bearbeite]

 Commons: Königriich Rumänie – Sammlig vo Multimediadateie