Emmen

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Disambig.svg Dä Artikel behandlet Ämme im Kanton Lozärn. För anderi Bedütige vo Ämme oder hochdütsch Emmen lueg do


Ämme
Wappe vo Ämme
Basisdate
Staat: Schwiiz
Kanton: Lozärn (LU)
Wahlchreis: Hofderew
BFS-Nr.: 1024i1f3f4
Poschtleitzahl: 6020+6032
UN/LOCODE: CH EMM (Emmen)
CH EBC (Emmenbrücke)
Koordinate: 665417 / 21441247.0774998.300003427Koordinaten: 47° 4′ 39″ N, 8° 18′ 0″ O; CH1903: 665417 / 214412
Höchi: 427 m ü. M.
Flächi: 20,37 km²
Iiwohner: i28'926 (31. Dezämber 2013)[1]
Website: www.emmen.ch
Chile St. Mauritius

Chile St. Mauritius

Charte
Hallwilersee Baldeggersee Gütschweiher Sempachersee Steinibuelweier Rotsee Vierwaldstättersee Zugersee Kanton Aargau Kanton Schwyz Kanton Zug Kanton Zürich Wahlkreis Entlebuch Wahlkreis Luzern-Land Wahlkreis Luzern-Stadt Wahlkreis Sursee Aesch LU Altwis Ballwil Emmen LU Ermensee Eschenbach LU Hitzkirch Hitzkirch Hochdorf LU Hohenrain Eibu Rain LU Römerswil Rothenburg LU Schongau LUCharte vo Ämme
Iber des Bild
ww

Ämme (amtlech Emmen) esch e politischi Gmeind im Wahlkreis Hofdere im Kanton Lozärn, Schwiiz.

Geografii[ändere | Quälltäxt bearbeite]

D Gmeind esch e Vorort vo de Stadt Lozärn. Si liid zwösche (vo Wescht noch Oscht) Lozärn im Südweschte und Süde, Äbike im Süde, Bueri im Oste, Öschebach ond Rotheborg im Norde ond Neuechöuch im Nordweschte.

Ämme bestohd us de beide Ortsteil Ämme-Dorf ond Ämmebrogg. Ämme-Dorf liid im Rüüsstal - Ämmebrogg zomene grosse Teil enere wällige Hochäbeni, nome die ondere Quartier send au im Rüüsstal. Ämme-Dorf bestohd us de Teil (Ober-)Dorf und Onderdorf. Zum Ortsteil Ämme, wo de historischi Sedligsschwärponkt esch, ghöred no de Wiiler Rottertswil (452 m ü.M.; 2,6 km nördlech vom Dorf), Waltwil (421 m ü.M.; 3 km nordöschtlech) ond Waldibrogg (422 m ü.M.; 3,9 km nordöschtlech) - ond s Induschtriigebiet Ämmefäld/Hasli/Buholz zwösche Ämme-Dorf ond Waltwil. Wäg em Flogplatz esch d Äbeni Ämmefäld/Haslifäld, osser de Induschtriizone, ned öberbout. Zwösche Buholz ond de Rüüss liid es grössers Waldgebiet – de Oberi Schiltwald – ond zwösche Waldibrogg und de Rüüss de Onderi Schiltwald. Dör d Induschtriell Aasedlig send im Ortsteil Ämmebrogg die erschte grössere Wohngebiet entstande. Hötzotags hed Ämmebrogg de Ortsteil Ämme i Sache Iiwohner wiit hender sech gloh ond breitet sech emmer no us ond schlöckt früecheri landwertschaftlechi Zonene. Vor allem i de Gebiet weschtlech vo Gerliswil send am Südhang neui Wohnsedlige entstande, wo emmer no grösser wärdid (Erle, Neuhof). Die Chlii Ämme, wo im Gebiet vo Ibach vo lenggs i d Rüüss möndet, beldet d Gränze zwösched em Lettauer Ortsteil Rüüsssbüel ond Ämmebrogg. S einzige grössere Waldgebiet im Ortsteil Ämmebrogg esch de Riffigwald. De ganz Nordweschte vo de Gmeind esch ländlech prägt met huufe Hüüsergroppe ond Einzelhöf. Dör das Gebiet flüüsst vo Weschte noch Oschte de (Hellbüehler-) Rotbach, wo es paar Kilometer lang d Nordgränze zwösche Ämme und Rotheborg beldet. Vo de ganze Gmeindsflächi vo öber 20 km² wärdid 46,6 % landwertschaftlech gnötzt. Osserdem heds Wald ond Ghölz of 18,2 % vo de Ortschaft ond e Drettel esch Sedligsflächi, wo no emmer am wachse esch.

Gschicht[ändere | Quälltäxt bearbeite]

Ämme esch zom erschte Mau gnamsed worde in ere Urkund vom König Lothars aus Emau.

Bevölkerig[ändere | Quälltäxt bearbeite]

Jahr 1850 1860 1870 1880 1888 1900 1910 1920
Iiwohner 1764 1832 1948 2235 2484 3162 4229 5024
Jahr 1930 1941 1950 1960 1970 1980 1990 2000
Iiwohner 7905 8716 11065 16856 22040 22392 25407 26885

Dr Uusländeraateil esch 2014 bi 33,3 % gläge.

Religion[ändere | Quälltäxt bearbeite]

64,2 % vo dr Iiwooner send im Jahr 2000 römisch-katholisch gsii, 12,7 % evangelisch-reformiert.

Politik[ändere | Quälltäxt bearbeite]

Bi dr Nationauraatswahle 2015 hät s das Ergebnis gää: BDP 1,8 %, CVP 14,2 %, FDP 16,0 %, GLP 4,1 %, GP 6,6 %, SP 14,2 %, SVP 34,8 %, Süschtigi 8,3 %.

Dr Gmeindspräsident vo Ämme esch dr Rolf Born (Stand Februar 2016).

Wirtschaft[ändere | Quälltäxt bearbeite]

D Arbetslosigkeit esch im Jahr 2011 bi 3,7 % gläge.

Sprach ond Dialäkt[ändere | Quälltäxt bearbeite]

Bi dr Volkszellig 2000 hend vo dr 26885 Iiwohner 81,6 % Dütsch aus Houptsprach aagää, 0,6 % Französisch, 3,9 % Italienisch ond 13,9 % anderi Sprache.

Dr hochalemannisch Dialäkt vo Ämme ghört zuem Lozärntütsch.

Bouwärch[ändere | Quälltäxt bearbeite]

  • Pfarrchile St. Mauritius (1828-31, spotbarock-klassizistisch), 2 witeri katholischi Chile (1912-15 ond 1971)
  • Chile Ämmebrogg (1956-58)
  • 2 reformierti Chile

Weblenk[ändere | Quälltäxt bearbeite]

 Allmänd (Commons): Ämme – Sammlig vo witere Multimediadateie

Fuessnoote[ändere | Quälltäxt bearbeite]

  1. Statistik Schweiz – STAT-TAB: Ständige und Nichtständige Wohnbevölkerung nach Region, Geschlecht, Nationalität und Alter (Ständige Wohnbevölkerung)