Hämike
| Hämikon | |
|---|---|
 | |
| Basisdate | |
| Staat: | Schwiiz |
| Kanton: | Lozärn (LU) |
| Wahlchreis: | Hofdere |
| Gmeind: | Hetzchöuch |
| Poschtleitzahl: | 6289 |
| Koordinate: | 663474 / 232334 |
| Höchi: | 680 m ü. M. |
| Flächi: | 4,62 km² |
| Iiwohner: | 474 (31. Dezember 2007) |
| Charte | |
 | |
Hämike esch bes Ändi 2008 e eigeständigi Gmeind gsii. Sethär ghört Hämike als Ortsteil zo de Gmeind Hetzchöuch, wo am 01. Januar 2009 met 6 andere Gmeinde fusioniert hed.
Gschecht
[ändere | Quälltäxt bearbeite]Hämike hed e bewegti Gschecht hender sech und het im Lauf vo de Gschecht mehrmols de Kanton gwächslet. Hämike werd scho 950 s erscht mol underem Name Hammingchova, wo Hof des Hamin bedütet, erwähnt. Es hed denzmol ide Fraumünsterabtei Zöri ghört. Nochhär hed Hämike i de Herre vo Länzborg ond sett 1264 de Habsborger ghört. Nochdems bes 1415 zom habsborgerische Amt Risee ghört hed, esch Hämike a d Stadt Lozärn cho und vo 1425 bes 1798 heds zo de Freie Ämter ghört. Denn esch Hämike bes 1803 e Teil vom Kanton Bade gsi. Setthär ghört Hämike weder zo Lozärn.
Geografii
[ändere | Quälltäxt bearbeite]
Hämike liit ufem Lendebärg im lozärner Teil vom Seetal. Zom Ortsteil ghöred s Dorf sälber uf 690 m ö.M. und au d Exklave Hämiker-Bärg, wo öbbe 2 Kilometer osserhalb vom Dorf uf 823 m ö.M liit.
Vo de Sedligsflächi vo 462 ha wärded 67,1 % landwertschaftlech gnötzt. Wald und Ghöuz möched 27,3 % vom Ortsteil uus, 5,6 % wärded als Sedligsflächi gnötzt. Vor de Fusion hed Hämike a Aesch, Autmis, Hetzchöuch, Müswange, Schonge ond Solz gränzt.
Bevölkerig
[ändere | Quälltäxt bearbeite]Quälle: Bundesamt für Statistik 2005[1]
Bevölkerigsentwecklig
[ändere | Quälltäxt bearbeite]D Iiwohnerzahl esch bes 1850 emmer gstege. Bes is Johr 1960 esch de d Bevölkerig um fascht d Hälfti (-49,5 %) zrogggange. Ide 1980er und 1990er Johr heds denn e starke Wachstumsschub gäh, setthär esch si öbbe glich blobe. De Höchststand vo 1850 esch aber nie meh erreicht worde.
Sproche
[ändere | Quälltäxt bearbeite]D Bevölkerig z Hämike redt e hochalemannischi Mondart. Bi de letschte Volkszählig im Johr 2000 hend 97,52 % Düütsch gredt, wobi ned noch Dialäkt onderschede worde esch. 60,8 % hend aagää, dass si im Alltag numme Dialäkt rede, 14,9 % Hochdütsch ond Dialäkt, 4,2 % numme Hochdütsch ond de Rescht anderi Sproche oder Dütsch ond e anderi Sproch[2]. Je 0,90 % hend Albanisch ond Portugisisch aus Alltagssproch aagäh.
Konfessione
[ändere | Quälltäxt bearbeite]Ursprönglech esch die ganzi Bevölkerig römisch-katholisch gsi. Dör Zuewanderig und Ustrett us de Chele send im Johr 2000 70,95 % römisch-katholischi ond 14,86 % evangelisch-reformierti Chreschte gsi. 7,21 % send Konfessionslosi und 2,50 % Muslime.
Vercher
[ändere | Quälltäxt bearbeite]Hämike esch a de Buslinie Hetzchöuch–Müswange. Vo det hed me z Hetzchöuch Aschloss a d Seetalbahn. Hämike esch a de Hauptstross vo Hetzchöuch uf Muri AG, wobis kei diräkte öffentleche Verchehr uf Muri ged.
Weblink
[ändere | Quälltäxt bearbeite]- Info-Website vom Seetal
- Fusionsprojekt Hitzkirch 7
- Infos us de Seetal-Gmeinde
- Waltraud Hörsch: Hämikon. In: Historisches Lexikon vo dr Schwiiz.
- Statistischs Amt vom Kanton Lozärn
- Hämike uf www.hitzkirch.ch
Fuessnote
[ändere | Quälltäxt bearbeite]- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
- ↑ Bundesamt für Statistik BFS (n.d.a).Wohnbevölkerung nach Umgangssprache zu Hause und im Erwerbsleben und nach Gemeinden, 1990-2000.
