D vyr Waldschtädt

Dä Artikel beschriibt d Waldschtädt am Hochrhy; zuè dè glychnammigè eidgnössischè Ortschaftè luèg bi Waldschtätt.

Die vier Waldstädt z Vorderöschtriich (i blau: Vorderöschtriichischs Gebiet)

Diè vyr Waldschtädt am Hochrhy sin d Landschtädt

• Rhyfäldè AG (sowiè s baddische Rhyfäldè, wo vor 1800 im Chèrn nit bebaut gsi isch),
• Säckingè,
• Laufèburg AG un Laufèburg (Baddè) und
• Waldshuèt mit èm Sitz vom Waldvogteiamt

D Bezeichnung stammt uss sèllèrè Zit, wo Vorderöschterrych unter dè Habsburger Hèrrschaft vo Vorarlbärg übber dè Südschwarzwald bis zum Sund- un Briisgau im Weschtè gangè isch. Diè vyr Städt, wo uss dè Luègi vom Stammland dè Übbergang zum (Schwarz-)Wald bildet hèn. ligèd am Südrand vom gsamtè Schwarzwald, wo vom Hochrhydal bildèt wörd. Sit Aafang vom 19. Johrhundert isch d Mitti vom Hochrhy glychzitig d Landesgränz zwǜschè m Aargau un Baddè un dõdemit d Staatsgränz zwǜschè Dütschland un dè Schwiz. Sit dèm sin d Waldschtädt au no Gränzschtädt. Hauptsitz vom habsburgischè Vorland isch Ensisheim bi Müllhuusè im Obberelsass gsi.

Bsunders offèsichtlich wörd d Stadt-Wald-Logik bim Nammè Waldshuèt, eigèntlich (des) Waldes Hut, wa nüt anders wiè d Vorhuèt vom Südschwarzwald bezeichnè söll. Ebbèso wörrèd d Südschwarzwälder bis hüt no im Dal unnè als Wälder bezeichnèt.

Weblingg

• Christian Ruch: Waldstädte In: Historisches Lexikon vo dr Schwiiz.
• Zentralè für Unterrichtsmediè: Diè vyr Waldschtädt (zum.de)

Dä Artikel basiert uff ere fräie Übersetzig vum Artikel „Waldstädte“ vu de dütsche Wikipedia. E Liste vu de Autore un Versione isch do z finde.