Südschwarzwald
Under em Sǜǜdschwarzwald verstoht mer de oberst Deil vùm Schwarzwald. Er isch vù Gletscher uss de Iiszitt starch ǜbberformt worre ùn lìt sǜǜdlig vù-n-ere Lìnie vù Friburg ìm Briisgau ùf Donaueschinge. De Sǜǜdschwarzwald entspricht nìt genau em Hoochschwarzwald, wùù au no de höchst Deil vùm Mìttlere Schwarzwald dezüeghöört, sǜǜdöstlig vùm Elzdaal. S Gliich gältet fǜr de Naturpark Südschwarzwald, zù dem sinnem Gebiet ghöre no moll e baar Randgebiet.
De Sǜǜdschwarzwald hät e Hoochgebiet ìm Mìttelpunkt, ìm Gegesatz zùm Nordschwarzwald mìt de fast parallèle Bärgchämm ùn Ebene odder em Mìttlere Schwarzwald, wùù vù zahlriiche Däler bräägt wird. Als markantesti Gipfel vù dem Hoochgebiet zeichne sich de Fäldbärg (1.493 m) ùn s Hèrzogehorn (1.415 m) ab. D'Landschaft vù de Rhiiebeni isch bräägt vùm Belche (1.414 m), em Schauinsland (1.284 m) ùn em Hoochblaue (1.165 m). Ìm Sǜde falle de Blößling ùn de Hoochchopf ùf, ìm Oste de Hoochfirscht (1.192 m). Vùm Fäldbärg uss fließe d'Wìse nooch Sǜǜdweste, d'Alb nooch Sǜde, d'Schwarza ùn d'Schlücht de Sǜǜdostabdachig lang, de Seebach ùn d'Güetach, wùù spöter zù de Wüete zämmefließe, zèrscht nooch Oste ùn d'Quällflǜss vù de Dräiseme steil abe ìn Richtig Friburg.
Westlig vù de Lìnie Hölledaal-Wehraschlucht hèrrsche steili Häng ùn großi Hööcheunderschììd voor, östlig devùù sìn voor allem wälligi Hoochgebiet, breiti Däler ùn gringeri Hööcheunderschììd.
Under de wichtigste Gstei findet mer Gneis mìt Spùre vù iigflossenem Granit. Ab ùn züe findet mer au Ganggstei uss Porphyr, wùù uss de Fälse usechömme. D'Decki uss Bundsandstei mìt ihre plateauartige Bärgforme beiiflùsst s Relièf nùmme wenig.
De Wald hät ìm Sǜǜdschwarzwald weniger Aadeil an de Vegetation wie ìm Mìttlere ùn voor allem ìm Nördlige Schwarzwald.
Galeri [ändere]
-
Blìck ǜbber s Ober Münschterdaal ùf de Belche (links) ùn de Hoochblaue
-
De Bräger Kessel bi Todtnau ìm obere Wìsedaal
-
De Schluchsee ìm flachere Deil ìm östlige Sǜǜdschwarzwald
| Dä Artikel basiert uff ere fräie Übbersetzig vu dere Version vum Artikel „Südschwarzwald“ vu de dütsche Wikipedia.
E Liste vu de Autore un Versione isch do z finde. |
