Tartar GR
| Wappe | |
|---|---|
 |
|
| Basisdate | |
| Kanton: | Graubünde |
| Bezirk: | Hinterrhy |
| BFS-Nr.: | 3667 |
| PLZ: | 7422 |
| Koordinate: | 46.719441 n. Br. 9.419439 ö. L. |
| Höchi: | 995 m ü. M. |
| Flächi: | 1.55 km² |
| Iwohner: | 168 31. Dezember 2007 |
| Website: | www.tartar.ch |
| Karte | |
 |
|
Tartar isch e ehemooligi politischi Gmeind im Kreis Thusis, im Bezirk Hinterrhy vum Kanton Graubünde. Syt em 1. Januar 2010 ghört Tartar zämme mit Cazis, Portein, Präz un Sarn zur neue Gmeind Cazis.
Tartar lait am üssere Heinzeberg uff 994m Hööchi un bestoot uss de Fraktione Oberschaueberg, Valeina, Pro Biet un em Hof Foppa.
Inhaltsverzeichnis |
[ändere] Bevölcherig
| Joor | 1808 | 1850 | 1900 | 1950 | 2000 | 2009 |
| Yywohnerzaal | 108 | 170 | 146 | 188 | 158 | 162 |
Ursprüngli isch z Tartar Sutsilvanisch, e rätoromanischi Mundart gschwätzt worde. De Ort isch aber scho relativ früe germanisiert worde, un hüt isch s Romanisch numme no dur Zuezügler uss andri Gegende presänt. D Ergebniss vo de erschte Volchszäälige sin aber wiidersprüchlig: 1870 sin es 49% vo de Huushaltige gsi, 1880 numme no 5% vo de Gsamtbevölcherig un 1888 wiider 24%. De Mathias Kundert vermuetet, dass s Ergebniss vo 1880 die meint, wo numme Romanisch hen chönne. 1930 sin es deno unter 10% gsi, au wenn de Andri Augustin im Joor 1938 vo 38% ussgoot. Warschynts hen es no vili chönne schwätze, hen aber im Alltag numme no Dütsch gschwätzt. 1956 schybt de Schuelinspektor Gion Dunò dass Tartar „betg digltot tudestg“ - „nonit völlig Dütsch“ wär, un 1978/79 wird berichtet dass es no ei Person, d Menga Holzner-Beeli, im Ort gee het, wo de yyheimisch Dialäkt gschwätzt het[1]. Si isch 1908 uff d Wält cho, so dass s Romanisch vo Tartar hüt warschynts ussgstorbe isch.
[ändere] Gschicht
Zum erschte Mool inere Urkund erwäänt wird Tartar im Joor 1290 als Tartere. D Herrschaft isch vum Chloschter Cazis, vum Bischof vo Chur un vo de Herre vo Schauestei ussgiebt worde. Bis 1337 sin d Vazer d Landsherre gsi, deno d Werdeberger un d Rhäzünser un ab 1475 de Bischof. De Usschauf vo de bischöfliche Herrschaftsrächt het 1709 stattgfunde. De reformiert Glaube isch zwüsche 1530 un 1540 im Dorf yygfiert worde, d Gmeind isch aber paritätisch blibe; näbe Almen di einzig partitätisch Gmeind am Heinzeberg. Syt däm het Tartar e Pfarrgmeinschaft mit Portein un Sarn bildet.
Im Joor 1806 isch de Ort vumene Brand praktisch völlig zerstört worde. D Strooss in Tal isch 1894 fertigbaut worde. Au hüt isch d Landwirtschaft e wichtige Erwerbszwyyg, bsunders d Viewirtschaft. Usserdäm spiilt au de Tourismus e Roll.
[ändere] Literatur
- Kundert, Mathias: Der Sprachwechsel im Domleschg und am Heinzenberg (19./20. Jahrhundert). Kommissionsverlag Desertina, Chur 2007, ISBN 978-3-85637-340-5.
[ändere] Fuessnote
- ↑ Solèr & Ebnetter in Kundert 2007, pp. 74
