Kanton Waldstätte

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Ziitgenössischi Charte vo der Helvetische Republik mit ihre Kantön 1798
Übersichtscharte vo der Helvetische Republik 1798

Dr Kanton Waldstätt isch e Kanton vo dr Helvetische Republik gsi, wo zwüsche 1798 und 1802/03 bestande het.

Wo d Kantonsgränze in dr Helvetische Republik 1798 neu festgleit worde si, het me d Kantön und Republike vo dr Innerschwiiz, wo dr neu Eiheitsstaat abglehnt hai, zum Kanton Waldstätte verschmulze. Dodrdur isch dr politisch Iifluss vo dr Innerschwiiz dütlig chliiner worde, wo noch em erste Entwurf für e Kantonsiideilig im Verheltnis zur Bevölkerigszahl überproportional usgfalle wer, wil im helvetische Senat jede Kanton vier Abgeordneti het döfe stelle. Anstatt vo de 16 Sitz für d Kantön Zug (mit Freiamt und Bade), Schwyz (ohni March mit Gersau), Underwalde (Ob- und Nidwalde, Ängelbärg) und Uri (ohni d Leventina, mit Ursere), wie s ursprünglig vorgeseh gsi isch, isch d Innerschwiiz vo numme vier Senatore representiert gsi.

D Bezeichnig «Waldstätt» het uf die gmeinsami Bezeichnig vo de Urkantön Uri, Schwyz und Underwalde zrugggriffe, wo sit em Mittelalter gläufig gsi isch.

Dr Kanton Waldstätt isch scho in de spötere Verfassigsentwürf vo Malmaison und mit dr Zweite Helvetische Verfassig vo 1802 wider ufdeilt worde. Ändgültig isch dr Kanton aber erst dur d Mediationsakte vo 1803 ufghobe worde.

Dr Kanton Waldstätt het us dene Territorie, Republike und Kantön vo dr Alten Eidgenosseschaft bestande:

Hauptort vom Kanton Waldstätt isch dr Ort Schwyz gsi.

Weblinks[ändere | Quälltäxt bearbeite]


Dä Artikel basiert uff ere fräie Übersetzig vu dere Version vum Artikel „Kanton_Waldstätte“ vu de dütsche Wikipedia.

E Liste vu de Autore un Versione isch do z finde.