Gonten
| Gonten | |
|---|---|
 |
|
| Basisdate | |
| Staat: | Schwiiz |
| Kanton: | Appezell Innerrhode (AI) |
| Bezirk: | (Isch glichzitig en Bezirk) |
| BFS-Nr.: | 3102 |
| Poschtleitzahl: | 9108 |
| Koordinate: | 744216 / 24372547.3286119.346668902Koordinate: 47° 19′ 43″ N, 9° 20′ 48″ O; CH1903: 744216 / 243725 |
| Höchi: | 902 m ü. M. |
| Flächi: | 24.7 km² |
| Iiwohner: | 1461 (31. Dezämber 2011)[1] |
| Website: | www.gonten.ch |
| Karte | |
 |
|
Goote oder ou Goonte (amtl. Gonten) ischt e politische Gmeend (me sääd offiziöll Bezirk) im Kantoo Appezöll Innerrhode i de Ostschwiiz.
Inhaltsverzeichnis |
Geografii [ändere]
Goote liid ofere Hoochebni zwösched em Chrobeg (1'663 m ü.M.) im Süde ond de Hondwiiler Höchi (1'309 m ü.M.) im Norde. Zom Bezirk ghööred s Doof Goote, d Wiiler Goontebaad ond Jakobsbaad.
Gschecht [ändere]
I de Gröndigsurkond vo de Pfarrei Appezöll wedid 1071 s eschtmol Flurnämme bi Gunta ufzöllt. Me cha also aaneh, as de Name vo de Göönte im Hochmoor, wos no hüt i de Gegend gid, härchood. De hötig Bezirk Goote bestod sed 1873 us de Rood Goote, de Halbrhod Stechlenegg (Höndegoote) ond Tääl vo de Halbrood Rinkebach (Rapisau).[2]
Bevölkerig [ändere]
| Johr | 1850 | 1880 | 1900 | 1910 | 1950 | 1970 | 1990 | 2000 | 2010 |
| Iiwohner | 1'202 | 1'556 | 1'594 | 1'621 | 1'462 | 1'209 | 1'419 | 1'379 | 1'446 |
Sehenswördigkeite [ändere]
Di katholisch Pfacheeche Sankt Verena isch 1863 bes 66 im nöigootische Stiil bout worde. Uf em lengge Sitealtor stood e Muetter Gottes us em 17. Joorhondert. I de Sakristei werd a Prozessionschrüüz vo 1595 ufbewaart.
S Root Huus häd sin Name vom rote Aastrech. S isch im 18. Joorhondert as es vierstöckigs Herrehuus bout woade. Hüt isch s Zentrum für Appenzellische Volksmusik im Huus inne.
Im Jakobsbaad existiert scho sed 1851 s Chlooste Liide Christi mit sinnere Apidek im Chloostelade.
Wertschaft [ändere]
Nebed de Land- ond Forstwertschaft isch d Mineralquöll Gootebaad, wo nebed anderne Produkt, s bekannte Getränk Flauder herstöllt, en wichtige Erwerbszwiig.
Tourismus [ändere]
Z Goote geeds nebed de Loftsälbah in Chrobeg ui no e Rodelbah ond en Seilpark. Zom Sport betriibe häds ou en Golfplatz, es Nordic Walking Center, en Wenterwanderwäg, e Löipe ond d Schiilift Alpsteeblick. Näbis speziölls isch secher de fööf Kilometer lang Baarfuesswäg vom Gootebaad bes is Jakobsbaad oder omkeert.
Weblink [ändere]
Allmänd (Commons): Goote – Sammlig vo witere Multimediadateie- Offiziölli Internetsiite vom Bezirk Goote
- Kantonali Siite vom Bezirk Goote
- Artikel Goote im Historische Lexikon vo dr Schwiiz
Fuessnoote [ändere]
- ↑ Einwohnerkontrolle des Kantons Appenzell Innerrhoden
- ↑ Bezirk Gonten über Gonten, abgruefe am 11. März 2012
