Landsgemeinde

Dialäkt: Baseldütsch

Landsgmeind

Appizeller Landsgmeind

D Landsgemeind isch eini vo den ältischte und eifachschte Forme vo dr Demokratii. In ä baar Kantön in dr Schwiiz git s äsä als kantonali oder als regionali Inschdidution, aber in de meischte Kantön isch si abgschafft worde. In chliinere Ortschafte wärde Gmeindiversammlige au wie Landsgmeinden abghalte.

Verlauf

Bürger wo s Schtimmrächt hai versammle sich an emä beschtimmte Dag under freiem Himmel und düen öffentlig abschtimme über d Gschäft wo vorgschlage si. Das cha d Wahl von der Regierig si wie im Appizell Innerrhode, Gsetz oder s Büdsche. Jede cha si Meinig säge und Vorschleg mache. Abgschtimmt wird mit dr Hand, em Bajonett oder em Schtimmrächtsuuswiis.

Gschicht

Die moderne schwiizer Landsgmeinde si in dr Form ähnlich zum germanische Ding, schtamme aber nit vo dere alterdümlige Inschdidution ab, sondern vo de middelalterlige Korboratione und si zum erschte Mol im Johr 1403 in erä Urkunde erwähnt worde. In de Kantön Zug und Schwyz si si 1848 abgschafft worde, im Kanton Uri 1928, in Nidwalde 1996, s Johr druf im Appizell Usserrhode und 1998 in Obwalde. Die kantonali Landsgmeind git s nur no in Appizell Innerrhode und im Kanton Glarus.

Weblinks

• Landsgemeinde-Dossier der Appenzeller Zeitung (Appenzell Ausserrhoden)
• Glarner Landsgemeinde
• Ausserordentliche Landsgemeinde 2007 in Glarus
• Landsgemeinde 2007 in Glarus
• Landsgemeinde 2006 in Glarus
• Landsgemeinde 2005 in Glarus
• Landsgemeinde in Appenzell Innerrhoden

Dä Artikel basiert uff ere fräie Übbersetzig vum Artikel „Landsgemeinde“ vu de dütsche Wikipedia. E Liste vu de Autore un Versione isch do z finde.