Vorlage:AdW/52
Sheshan-Basilika|Bàsilika vu Sheshan
D’ Bàsilika vu Sheshan, offiziäll s’ Nàzionààlhailigtumm un Bàsilika vun Unsra Liawa Fràui vu Sheshan (Mandarin: 佘山進教之佑聖母大殿; Pinyin: Sheshan Jinjiao zhī yòu shèngmǔ Dadian), àui àls Bàsilikà Mària, Hìlf vu da Chrìschta bekànnt, ìsch a bediitenda reemisch-kàthoolischa Kìrìch ìm Bìschtumm Schanghai ìn Kiina. Ìm Hailigtumm wìrd d’ seeliga Jungfràui Mària unter’m Tìtel „Mària, Hìlf vu da Chrìschta“ àls Pàtroona vereehrt. D’ Bàsilika befìndet sìch àn dr wäschtliga Schpìtza vum Sheshan-Hììgel —dàs lììgt ìm wäschtliga Schtàdtbezirk Shongjiang vum Groossràuim Schanghai, äbba 35 Kilomääter àwaag vum Schtàdtzäntrum.
Uff’m Sheshan-Hììgel ìsch ànna 1866 a äärschta Kìrìch bàuia worra. Vorhar hann d’ Jesüita wahrem Taiping-Uffschtànd a Grundschtìckla-n-àm süüdliga Hàng vum Hììgel kàuift ghàà. Uff’m Grundschtìckla-n-ìsch sallamols a buddhìschta Kloschter gsìì, wo àbgrìssa worra-n-ìsch. Naawa dr Kìrìch hann sa a klainer Woohnràuim fìr d’ Missionààra so wia-n-a Kàpall bàuia. Àn dr Schpìtza vum Hììgel hann sa a klainer Vorhiisla mìt’ra Schtàtüüta vu dr Müattergottes ärrìchtet –àn dara Schtälla-n-ìsch sallamols a Hàlla gsìì, wo maa dr Maitreya verehrt hàt.