Samuel Schmid

Us der alemannische Wikipedia, der freie Dialäkt-Enzyklopedy
Dialäkt: Züridütsch (See)
Samuel Schmid

De Samuel Schmid, (* 8. Januar 1947 in Rüti bei Büren im Kanton Bern) isch en Schwiizer Politiker (BDP, bis 2008 SVP) und ehmalige Bundesrat. Im Jahr 2005 isch er Bundespräsident gsii.

Politischi Laufbahn[ändere | Quälltäxt bearbeite]

Nach diverse politische Ämter

  • 1972–1974 Gmeindrat in Rüti bi Büren
  • 1974–1982 Gmeindspräsident in Rüti bi Büren
  • 1982–1993 Mitglied vom bernische Grosse Rat
  • 1994–1999 Nationalrat
  • 1998–1999 SVP-Fraktionspräsident vo dr Bundesversammlig
  • 1999–2000 Schtänderat für de Kanton Bern

isch de Samuel Schmid am 6. Dezember 2000 in Bundesrat gwählt worde. Bis zu sim Usscheide uf de 31. Dezember 2008 isch er em Eidgenössische Departement für Verteidigung, Bevölkerigsschutz und Schport (VBS) vorgschtande.

Im Jahr 2004 isch er Vizepräsident und isch am 8. Dezember 2004 zum Bundespräsident für s Jahr 2005 gwählt worde. Em Samuel Schmid siis Motto für s Jahr 2005 hät Begegnig gheisse. Siis wichtigschte Aaliege isch nach eigene Aagabe d Abschtimmig über di Bilaterale II und d Schtärchig vo dr Kollegialität im Bundesrat.

Bi de Bundesratswahle 2007 isch de Samuel Schmid mit 201 Stimme widergwählt worde. Wel er si trotz de Nöd-Widerwahl vom Christoph Blocher hät veräidige laa, isch er massiv kritisiert worde vo de SVP-Parteispitze un hät nümi an de Fraktionssitzige dörfe täilnää. Zämme mit andere SVP-Politiker isch de de Schmid derna us de SVP uusträtte und hät d BDP mitgründet

Aafangs November 2008 hät de Schmid a de Galleblas müesse operiert wärde. Churz derna, am 12. November 2008, hät er na si Ruggtritt us Endi Jahr aakündt.[1] Sin Nachfolger isch sit em 1. Jänner 2009 de Ueli Maurer.

Militär[ändere | Quälltäxt bearbeite]

Oberscht, Kommandant vomene Infanterie-Regiment vo 1993 bis Endi 1996, Schtellvertretende Kommandant F Div 3 i de Jahre 1998 und 1999.

Zivillebe[ändere | Quälltäxt bearbeite]

Wo de Samuel Schmid 1967 d Matura beschtande hät, hät er s Juraschtudium a dr Universität Bern aagfange. 1978 - underzwüsche Notar - hät er siini eigeni Praxis uuftaa.

De Samuel Schmid isch verhüüratet und Vater vo drei Söhn.

Weblink[ändere | Quälltäxt bearbeite]

Einzelnachwiis[ändere | Quälltäxt bearbeite]

  1. http://www.news.ch/Bundesrat+Samuel+Schmid+tritt+zurueck/324743/detail.htm



Dä Artikel basiert uff ere fräie Übersetzig vum Artikel „Samuel_Schmid“ vu de dütsche Wikipedia. E Liste vu de Autore un Versione isch do z finde.