Arosa

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Arosa
Wappe vo Arosa
Basisdate
Staat: Schwiiz
Kanton: Graubünde (GR)
Region: Plessurw
BFS-Nr.: 3921i1f3f4
Poschtleitzahl: 7027 Calfreisen
7027 Castiel
7027 Lüen
7028 St. Peter
7028 Pagig
7029 Peist
7050 Arosa
7056 Molinis
7057 Langwies
UN/LOCODE: CH ARS
Koordinate: 771390 / 18380346.7833339.683331775Koordinaten: 46° 47′ 0″ N, 9° 41′ 0″ O; CH1903: 771390 / 183803
Höchi: 1'775 m ü. M.
Flächi: 42,53 km²
Iiwohner: 3205 (31. Dezämber 2015)[1]
Website: www.arosa.ch
Charte
MapraggseeHeidseeUrdenseeGrünsee (Arosa)DavoserseeObersee (Arosa)Untersee (Arosa)Stausee ArosaKanton SanggalleRegion AlbulaRegion ViamalaRegion ImbodeRegion AlbulaRegion LandquartRegion Prättigau/DavosChurChurwaldeTschiertsche-PraadeArosaMaladersHaldastaiCharte vo Arosa
Iber des Bild
ww

Arosa ischt e politischi Gmeind im Schwiizer Kanton Graubünde, wa zer Region Plessur ghöört. Dr Ferie- und Erholigsort Arosa chennt mr vor allem für schis schneesichere Schgiigebiet mit uber 70 Pistekilometer. Arosa hed ätte 3'300 Iiwoner, drzue chome bis zu 12'500 Feriegescht.

Geografii[ändere | Quälltäxt bearbeite]

D Gmeind sid 2013[ändere | Quälltäxt bearbeite]

Zer Gmeind ghöre sid 2013 usser dm Dorf Arosa fascht alli Dörfer vam Tschelfigg, nämli au Calfreise, Castiel, Lengwis, Lüen, Molinis, Pagig, Peist und St. Peter, wa bis duezmal sälbstendigi Gmeinde gsi sind.

Ds Dorf[ändere | Quälltäxt bearbeite]

Ds Dorf Arosa sälber lid am oberen Endi vam Tschelfigg, das ischt s Tal var Plessur, wa z Arosa ds Quellgebiet hed und va dert bis uf Chur abe flüsst. Ds Tal, wa ursprünglich im Oste va Chur aafangt, macht e langzogene Boge ge Süde, so dass Arosa nacher 15 Kilometer südöstlich va Chur lid. Umgä va Berge lid Arosa imene drii Kilometer breite Talchessl uf 1'700 bis 1'900 m ü. M. Ds Dorf Arosa erschtreckt schich uber zwei Kilometer Lengi, am meischte Wonige und Hüüscher heds am Ober- und am Undersee. In dr Neechi lid s Endi vam Tal, aber ooni s Welschtobel, wo zu Alvaneu ghört (hüt in dr Gmeind Albula/Alvra). Drum isch ds früenerig Aroser Gmeindsgebiet huufiseförmig gsi.

Drii Sache präge ds Landschaftsbild va Arosa: d Berge rundume, d Seeä und d Waldgrenze, wa ätte uf 1'900 m ü. M. vrlauft. Westlich vam Dorf heds vor allem Weide und Gröllhalde. Talabwärts, uf de vier Kilometer gä Litzirüti, heds en dichte Nadelwald.

Seeä[ändere | Quälltäxt bearbeite]

Im Quellgebiet var Plessur sind e paar Seeä:

di beede im Dorf Arosa:

  • dr Obersee (1'734 m)
  • dr Undersee (1'706 m)

und:

  • dr Älplisee (2'156 m)
  • dr Schwellisee (1'933 m)

Gmeindsgrenze und Nachburdörfer[ändere | Quälltäxt bearbeite]

D Gmeindsgrenze geid vam Aroser Wiishorn (2'653 m) gä Süde uber ds Plattehorn und Tschirpa zem Parpaner Wiishorn (2'824 m), wiiter uber ds Parpaner Rothorn (2'861 m) zem Aroser Rothorn (2980 m, wa dr höchscht Punkt var Gmeind ischt). Uf dm Grat füehrt schi vam Rothorn gä Nordoste zem Erzhorn (2'924 m) und dm Älpliseehorn (2'725 m), schi quert de Welschtobelbach uf 1'659 m und stigt de wider aa zem Grat var Leidflue (2'560 m), lauft um e paar Talchammere umer und erreicht de Sandhubel (2'764 m) und nacher ds Valbellahorn (2'763 m, das isch dr südöstlichst Punkt in dr Gmeind). Nacher heds e Reie Päss gä Tavaa, d Alteiner, di Bärentaler und d Maienfelder Furgga, di höchschte Berge dert sind d Amselflue (2'781 m), ds Furggahorn (2'727 m) und ds Schiesshorn (2'605 m).

Arosa ischt va dene Gmeinde umgää; Furna, Jenaz, Fiderisch, Contersch, Chloschters-Serneus, Tavaa, Schmitte, Albula/Alvra, Lantsch/Lenz, Vaz/Obervaz, Tschiertsche-Praade, Malodersch und Trimmis.

Schigebiet[ändere | Quälltäxt bearbeite]

Ds Schgiigebiet erschtreckt schich uber d Matte im Nordoste (Hörnli) und Norde (Brüggerhorn). Es ischt mit 70 Pischtekilometer uf 16 Pischte eis va de grössere im Bündnerland.

Bergbahne[ändere | Quälltäxt bearbeite]

D Bergbahne ghöre dr Arosa Bergbahnen AG.

Luftseilbahn:

  • LAW (Luftseilbahn Arosa–(Mittelstation)–Weisshorn)

Gondelbahn:

  • Hörnliexpress
  • Innerarosa-Tschuggen

Sesselbahne:

4er:

  • Hörnli
  • Plattenhorn
  • Carmenna

3er:

  • Tschuggen Ost

2er:

  • Brüggerhorn

Schilift:

  • Ried
  • Tschuggen West
  • Tomeli
  • Prätschli

Lüt[ändere | Quälltäxt bearbeite]

Literatur[ändere | Quälltäxt bearbeite]

Weblink[ändere | Quälltäxt bearbeite]

 Commons: Arosa – Sammlig vo Multimediadateie

Fuessnote[ändere | Quälltäxt bearbeite]

  1. Statistik Schweiz – STAT-TAB: Ständige und Nichtständige Wohnbevölkerung nach Region, Geschlecht, Nationalität und Alter (Ständige Wohnbevölkerung)