S Basler Santihans-Quardier

Santihans Quartier vo Basel
Flechi	2,24 km²
Iiwohner	17.980 (Jan. 2003)
Bevölkerigsdichti	17980 / 2.24 Iiwohner/km²
Usländeraadeil	41,6 %
BFS-Nr.	2701-011
Postleitzahl	4056

Dialäkt: Baseldütsch

Santihans (offiziell St. Johann mit dr Bedonig uf dr letzte Silbe [saŋgt jɔˈhanː) isch e Quardier in dr Schwiizer Stadt Basel. Es lit im stark industrialisierte Norde vo dr Stadt. Dört findet sich dr Rhiihafe Santihans und die stedtischi Abfallverbrennig. S Quartier het e hoche Aadeil vo usländische Iiwohner und isch eine vo de soziale Brennpünkt vo Basel. D Nöchi zum Rhii und dr Innestadt mache aber e hochi Läbensqualität möglig. S Santihans-Quardier verdankt si Name em Apostel Johannes.

S Quardier Santihans gränzt im Norde an Frankriich, im Oste an Rhii, im Süde an d Quardier Vorstedt (Santihans-Park) und Am Ring) (Santihans-Ring) und im Weste an s Iseli (Burgfälderstrooss).

Im Quardier isch d Johanniterbrugg, wo dr Johanniterorde drnäbe si Niiderlassig gha het, und s Santihansdoor. De Iiwohner vom Quardier sait me Santihans(l)emer.

Industrii im Santihans

Gebäud und Sehnswürdikeite

• D Antoniuschille
• D Johanneschille
• Dr Kannefäldpark
• Dr Bahnhof Santihans
• Dr Rhiihafe Santihans
• D Voltahalle

Weblingg

• S Statistische Amt vom Kanton Basel-Stadt - Quartierportrait Santihans

Dä Artikel basiert uff ere fräie Übersetzig vum Artikel „Basel-St._Johann“ vu de dütsche Wikipedia. E Liste vu de Autore un Versione isch do z finde.