Voltahalle
Koordinate: 47° 34′ 13″ N, 7° 34′ 55″ O; CH1903: 610785 / 268851
| Dialäkt: Baseldütsch |
D Voltahalle isch en ehemoligi Industriihalle und hüte e Mehrzwäckhalle in dr Stadt Basel mit ere Kapazität für öbbe 600 Persone. Si befindet sich am Bruggechopf vo dr Dreiroosebrugg im Santihans Quardier und wird vor allem für Konzärt- und Danzveraastaltige, Kunstusstellige und privati Aaläss bruucht. Vor dr Voltahalle isch dr Voltablatz, wo dr Halle ihre Name gee het und wo noch em italiänische Ingenieur Alessandro Volta benennt isch.
Ursprünglig hai die «Industrielle Werke Basel» (IWB) im Gebäud Chohle glageret. Wo d IWB d Halle nüme bruucht het, isch s Gebäud zum ene Veraastaltigsruum umbaut und 2001 vom Kanton as Voltahalle eröffnet worde.
S Gebäud isch 40 Meter lang, 14 Meter breit und 12 Meter hoch und bietet e Nutzflechi vo öbbe 600 Quadratmeter. E markants Merkmol isch si Fänsterfront, wo öbbe 400 Quadratmeter grooss isch.