Johanniterbrugg

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

47.5648388888897.5858694444444Koordinate 47° 33′ 53,4″ N, 7° 35′ 9,1″ O; CH1903: 611081 / 268247

f1
Johanniterbrugg
Johanniterbrugg
D Johanniterbrugg z Nacht
Brucht as Stroossebrugg
Goot über Rhii
Ort Basel
Konstrukzioon ersti Brugg: Iisebrugg
zwäiti Brugg: Spannbetonbalkebrugg
Gsamtlengi 225,32 Meter
Bräiti ersti Brugg: 12,60 Meter
Aafang vom Baue ersti Brugg: 1880
zwäiti Brugg: 1965
Fertig worde ersti Brugg: 1882
zwäiti Brugg: 1967
Eröffnig ersti Brugg: 15. Juli 1882
Laag
Johanniterbrücke (Schweiz)
Johanniterbrücke
Dialäkt: Baseldütsch

D Johanniterbrugg isch die dritteltisti Rhiibrugg in dr Schwizer Stadt Basel. Iire Naame chunnt vom Johanniterhuus, wo öbbe dört am Rhiiuufer gstande isch.

Die ersti Brugg[ändere | Quälltäxt bearbeite]

Im ene Volksentschäid isch im Juni 1877 dr Bau von ere dritte, dr undere Rhiibrugg, beschlosse worde. D Brugg us Iise isch innerhalb vo zwäi Joor fertig worde und mä het sä am 15. Juli 1882 chönne eröffne. Si isch nit so hooch glääge wie dr ooberi Rhiiübergang am Harzgraabe, d Wettstäibrugg. Si isch 225,32 Meter lang gsi, het e Bräiti vo 12,60 Meter ghaa und isch uf vier chreftige Pfiiler us Laufener Chalchstäi gstande. En eligants Gländer und Ladärnedrääger häi die imposanti Brugg gschmückt.

Vo 1924 bis 1968 isch au ei dobbelspuurigi Drämlilinie über d Brugg gange, zwüsche 1968 und 2004 e Drollybusslinie.

Die zwäiti Brugg[ändere | Quälltäxt bearbeite]

1964 het dr Groossi Root beschlosse, d Johanniterbrugg nöi z baue. Zwüsche 1965 und 1967 het mä linggs und rächts vo der alte Brugg die nöiji Spannbetonbalkebrugg baut, denn die alti Brugg abbroche und die nöiji uf die zwäi nöije Strompfiiler gschoobe. Es isch die ersti groossi Brugg in dr Schwiz gsi, wo im Freivorbau baut worden isch. D Hauptöffnig het e Stützwiti vo 137,3 Metern. Über die nöiji Brugg faare käini Drämli mee, aber d Dram-Iniziative vo 2009 het das welle ändere.[1]

Fuessnoote[ändere | Quälltäxt bearbeite]

  1. tram-basel.ch, abgrüeft am 18. Septänber 2012

Weblingg[ändere | Quälltäxt bearbeite]

 Commons: Johanniterbrücke – Sammlig vo Multimediadateie


Information icon.svg Dä Artikel basiert uff ere fräie Übersetzig vum Artikel „Johanniterbücke“ vu de dütsche Wikipedia. E Liste vu de Autore un Versione isch do z finde.