S Basler Breiti-Quartier

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen


Breiti
Quartier vo Basel

Charte vo Breiti
Flechi 0,68 km²
Iiwohner 8366 (Jan. 2003)
Bevölkerigsdichti 12.303 Iiwohner/km²
Usländeraadeil 25,4 %
BFS-Nr. 2701-004
Postleitzahl 4052
Dialäkt: Baseldytsch

Breiti (hochdytsch Breite) isch ä Quartier vo dr Stadt Basel. Es ligt am estlige Ändi vom Grossbasel, wo d Birs in Rhii fliesst (Birskepfli). Die westligi Quartiergränze isch am Dalbediich, ä Gwärbkanal, wo s Dalbekloster im Mittelalter het lo baue. Uf dr andere Site vom Kanal sin s Dalbe-Quartier und d Vorstedt, im Norde isch dr Rhii und im Oste d Birs und Birsfälde im Baselbiet.

S Breiti-Quartier het si Name vom freie, ebene Fäld bikoo, wo friehner zwischem Dalbe-Quartier und der Birs uf dr underste Flussterasse glägen isch. Scho im 14. Johrhundert het mä däm Fäld so gsait. Vo 1811 aa het mä dr Strooss, wo dur s Fäld uf Birsfälde und vo därt uf Ziri gfiehrt het, die Breiti Stross gsait. In de 1850er-Johr isch dere Stross noo ä neji Arbeitersiedlig baut worde, s hitig Breiti-Quartier, und mä het dr Name vo der Stross in Zircherstross gänderet.

D Braitlemer, wie mä de Iiwohner vom Breiti-Quartier in dr Umgangssproch sait, sin hit zu drei Viertel in der Dienstlaistigsbranche dätig. In de 1980er Johr sins no ä gli weniger as d Helfti gsi. Wichtigi Wirtschaftsbranche sin s Baugwärb, d Elektrotechnik, d Optik, d Fiinmechanik und dr Maschinebau.[1]

Meh as d Helfti vo de Hyser im Quartier ghere Privatpersone, aber ebben ä Fimftel ghere Wohngnosseschafte. D Wohnige sin gresser as ebben in dr Altstadt, aber s het sehr vil weniger Wohnige mit vier und meh Zimmer as im Kantonsdurchschnitt.[1]

Hyser und Sehnswirdikeite[ändere | Quälltäxt bearbeite]

Fuessnote[ändere | Quälltäxt bearbeite]

  1. 1,0 1,1 Statistisches Amt des Kantons Basel-Stadt – Quartierportrait Breite


Information icon.svg Dä Artikel basiert uff ere fräie Übersetzig vum Artikel „Basel-Breite“ vu de dütsche Wikipedia.

E Liste vu de Autore un Versione isch do z finde.