S Glyybi Quardier z Basel

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen


Klybeck
Quartier vo Basel

Charte vo Klybeck
Flechi 0,91 km²
Iiwohner 7132 (Dez. 2008)
Bevölkerigsdichti 7837 Iiwohner/km²
Usländeraadeil 48,1 %
BFS-Nr. 2701-018
Postleitzahl 4057
Dialäkt: Baseldütsch

S Glyybi, amtlig hochdütsch Klybeck, isch e Quardier in dr Schwiizer Stadt Basel. Es lit im rächtsrhiinische Kleibasel, wo d Wiise in Rhii mündet. Im Norde gränzt s an Kleihünige (Wiise), im Süde an s Matthys Quardier (Dreirosestrooss, Horburgstrooss) und im Oste an s Rosedaal (Riechering).

Wirtschaft[ändere | Quälltäxt bearbeite]

S Glyybi isch scho immer en Industriiquardier gsi. D Zahl vo de Arbetsblätz isch grösser as die iiheimisch Bevölkerig. Die meiste drvo si in dr chemische Industrii und im Dransbort- und Vercherswäse.[1]

D Bevölkerig[ändere | Quälltäxt bearbeite]

Zsämmesetzig[ändere | Quälltäxt bearbeite]

Hützudag läbe im Glyybi vili Usländer (öbbe d Helfti vo de Iiwohner) und Studänte. Die grösst Usländergrubbe, öbbe 10% vo dr Gsamtbevölkerig, chunnt us em Balkan, ei Brozänt meh as us Italie. Es het au vili Türke, Dütschi, Bortugiise und Spanier.[1]

Fast e Fümftel vo de Iiwohner si minderjöhrig, öbben e Achdel pensioniert.[1]

Konfessione[ändere | Quälltäxt bearbeite]

Zwei Fümftel vo de Iiwohner si konfessionslos, ei Fümftel islamisch. Die Reformierte möche hüt no e Zähntel us (1980: e Drittel), d Katholike 14% (1980: 29%).[1]

Härkumft vom Name[ändere | Quälltäxt bearbeite]

S Gliibi het si Name vo dr Klybeggstrooss übercho, wo dört verlauft. Ursprünglig isch das dr Name vom Landguet Klybegg gsi, em ehemolige Sitz vom Landvogt vo Kleihünige, wo sich usserhalb vo de Stadtmuure befunde het. Dört isch es Weiherschloss, s Wortändi -egg dütet uf e Schlossname, gstande, wo wohrschiinlig vom ene Guetsherr baut worden isch, wo "Klüb", "Chlubo" oder "Chludbert" gheisse het.

Gebäud und Sehnswürdikeite[ändere | Quälltäxt bearbeite]

Lueg au[ändere | Quälltäxt bearbeite]

Weblingg[ändere | Quälltäxt bearbeite]

Fuessnote[ändere | Quälltäxt bearbeite]

  1. 1,0 1,1 1,2 1,3 Statistischs Amt vom Kanton Basel-Stadt - Quartierportrait Klybeck Archivlink (Memento vom 2. Jänner 2010 im Internet Archive)



Information icon.svg Dä Artikel basiert uff ere fräie Übersetzig vu dere Version vum Artikel „Basel-Klybeck“ vu de dütsche Wikipedia.

E Liste vu de Autore un Versione isch do z finde.