Bachlette

Us der alemannische Wikipedia, der freie Dialäkt-Enzyklopedy


Bachlette
Quartier vo Basel

Charte vo Bachlette
Flechi 1,51 km²
Iiwohner 13.266 (Jan. 2003)
Bevölkerigsdichti 13266 / 1.51 Iiwohner/km²
Usländeraadeil 14,7 %
BFS-Nr. 2701-008
Postleitzahl 4054
Dialäkt: Baseldütsch

Bachlette isch e Quartier vo Basel. Es ligt am südweschtliche Rand vo dr Stadt und gränzt im Norde ans Gotthelfquartier und im Nordoschte ans Quartier Am Ring. Im Oschte trennt d Birsig s Quartier vo Gundeldinge.

Im Bachlette-Quartier sin dr Basler Zoo und d Schützematte. Die scherzhafti Bezeichnig Bläächdalbe oder Alumyyniumdalbe, wo au fürs Am Ring Quartier tuet gälte, beziet sich uf die weniger vornäämi Iiwohnerschaft im Vergliich mit dr Dalbe, wo die wohlhabende Altbasler Familie lääbe.

Dr Naame "Bachlette" stammt vo dr Bachlettestrooss. Mit "Letten" wird lehmartiger Bode bezeichnet, welle me an dr Birsig und am Rümelinsbach, beides Flüss wo s Bachlette-Quartier durchfliesse, hüffig gfunde het.

Gebäud und Sehenswürdigkeite[ändere | Quälltäxt bearbeite]