S Basler Gotthälf Quardier

Us der alemannische Wikipedia, der freie Dialäkt-Enzyklopedy


Gotthelf
Quartier vo Basel

Charte vo Gotthelf
Flechi 0,47 km²
Iiwohner 6692 (Dez. 2008)
Bevölkerigsdichti 6692 / 0.47 Iiwohner/km²
Usländeraadeil 23,8 %
BFS-Nr. 2701-009
Postleitzahl 4054
Dialäkt: Baseldütsch

S Gotthälf isch e Stadtdeil vo dr Schwiizer Stadt Basel. Es lit am westlige Stadtrand und gränzt im Norde an s Iseli Quardier (Allschwilerstrooss, Ahornstrooss), im Weste an d Baselbieter Gmeind Allschwil (Im lange Loh) und im Süde an s Bachlette Quardier (Wanderstrooss, Weiherwäg); östlig lit s Am Ring Quardier (Spalering).

S Gotthälf-Quardier, s Gotthälfschuelhuus und d Gotthälfstrooss si noch em Jeremias Gotthelf benennt.

Deil vom Gotthälf und vom Bachlette Quardier möche dr inoffiziell Stadtdeil Neubad us.

Bevölkerig[ändere | Quälltäxt bearbeite]

D Bevölkerig im Quardier isch sit 1980 vo 7875 Iiwohner uf 6692 im Johr 2008 gfalle und isch stark überalteret. Ändi 2008 si 56% vo de Lüt wiiblig, 44% männlig gsi. Öbbe zwei Drittel vo de Iiwohner si erwachseni Schwiizer Bürger gsi, e Zähntel Chinder mit Schwiizerpass. Fast e Viertel vo der Bevölkerig si Usländer gsi, drunder het s nume sehr wenig Chinder und Jugendligi gha.[1]

Religion[ändere | Quälltäxt bearbeite]

D Sekularisierig isch in de letzte Johrzähnt stark fortgschritte. Fast d Helfti vo dr Bevölkerig isch Ändi 2008 konfessionslos gsi, 45% im Vergliich zu 25% im Johr 1980. Dr Aadeil vo de Protestante isch in dere Ziit vo 39% uf 21% gfalle, vo de Katholike vo 29% uf 18%. Au die jüdisch Gmeind isch um e Drittel uf 2% gschmulze. Gwachse si die ost-christligi Bevölkerig (uf 1.5%) und die islamischi (uf 3.5%).[2]

Gebäud und Sehenswürdigkeite[ändere | Quälltäxt bearbeite]

Nowiis[ändere | Quälltäxt bearbeite]

  1. Statistischs Amt vom Kanton Basel-Stadt - Quardierportrait Gotthälf Archivlink (Memento vom 30. Jänner 2010 im Internet Archive)
  2. Statistischs Amt vom Kanton Basel-Stadt - Quardierportrait Gotthälf Archivlink (Memento vom 30. Jänner 2010 im Internet Archive)

Weblingg[ändere | Quälltäxt bearbeite]