S Basler Hirzbrunne-Quardier

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen


Hirzbrunne
Quartier vo Basel

Charte vo Hirzbrunne
Flechi 3,05 km²
Iiwohner 8898 (Jan. 2003)
Bevölkerigsdichti 2917 Iiwohner/km²
Usländeraadeil 17,5 %
BFS-Nr. 2701-015
Postleitzahl 4058
Dialäkt: Baseldütsch

Hirzbrunne isch e Quardier vo dr Schwiizer Stadt Basel. Es lit am östlige Stadtrand in Chleibasel und gränzt im Norde an s Quardier Chleihüninge und die dütschi Ortschaft Weil am Rhii, im Oste an d Gmeind Rieche, im Süde an dr Rhii und im Weste an s Wettstei- und Rosedal-Quardier (Autobahn A3).

D Wiise fliesst dur s Hirzbrunne-Quardier, wo mit e chlii meh as 3 km2 s grösste Quardier vo Basel isch. Dr Name vom Quardier chunnt vom früehnere Landguet Hirzbrunne, wobii „Hirz“ e baseldütschs Wort für „Hirsch“ isch. Villicht het s Landguet zur Wirtschaft „zum Hirze“ in dr Aeschevorstadt in dr Grossbasler Altstadt ghört, oder es het dört e Quelle ge, wo Hirsch und anders Wild isch cho suffe.

Die Langen Erle[ändere | Quälltäxt bearbeite]

Im Hirzbrunne-Quartier lit au dr Park Park Langi Erle. Er isch eins vo dä wenige Erholigsgebiet, wo s z Basel sälber git. Dank däm Wäldli und de vile Gärte zehlt s Hirzbrunne zu de grüenste Quardier vo Basel.

Verchehr[ändere | Quälltäxt bearbeite]

Mit em Velo chunnt mä im ganze Quardier guet us. Au für zum in die andere Quardiere und ins Zentrum z fahre isch e Velo sehr braktisch. Mit em öffentlige Verchehr vo de Basler Verchehrsbdriib chunntt mä mit de Bus Nr. 34 und 31 und mit em Dram Nr. 2 und 6 ins Zentrum. Wil s Bus Depot im Hirzbrunne-Quardier lit, fahre au spoot in dr Nacht (00:30) no Bus in Richdig Hirzbrunne. Für Nachtschwärmer git s dr Nachtbus Linie D, wo ins Hirzbrunne-Quardier fahrt. D Bäumlihofstrooss und d Riechestrooss göhn quer dur s Quardier und füehren in d Innestadt und uf Rieche.

Gebäud und Sehnswürdikeite[ändere | Quälltäxt bearbeite]

Weblingg[ändere | Quälltäxt bearbeite]



Information icon.svg Dä Artikel basiert uff ere fräie Übersetzig vum Artikel „Basel-Hirzbrunnen“ vu de dütsche Wikipedia.

E Liste vu de Autore un Versione isch do z finde.