Flugblatz Boolhof

Flugblatz Boolhof

Dè Flugblatz Boolhof isch è Segelflugblatz am Boolhof nordöschtli vo Schwèrzè, èm Ortsdeil vo Öschingè im Landchreis Waldshuèt im südlichè Baddè-Württèbärg. Dè Flugblatz Boolhof lyt obberhalb vo dè linkè Wuètèhaaldè, uff dèrrè irè südöschlichè Flankè sich dè Chleggau aaschlièßt, Dè Boolhof isch ein vo drei Flugblätz im Landchreis Walshuèt

S Boolhofplateau lyt uff èrè Höchi vo öppè 569 m ü. NN a dè Ortsvobindungsstrõß vo Schwèrzè gu Rächbärg am südöschtlichè Rand vum Naturpark Südschwarzwald.

Dè Flugblatz wörd durch d Segelfluggmeinschaft Boolhof e. V. bedribbè.

Gschichtè

Am 13. Auguscht 1932 hèt dè Stoll Èrnscht, dè Bruèder vum Löwèwirt uss Ärzingè, mit eim selbschtbautè 10-Meter-Zögling dè èrscht Flug vom Aggisellbuck bi Ärzingè durrègfüürt. Baut worrè isch sellè Segelflugzüüg vom Löwèwirt im Stoll Hèrmann, un vo füüf vo sinè Fründ. Dè èrschte Start hèt abber sin Bruèder durrè fürrè müèsè, well er als einzigschtè vo sellèrè Gruppè i dè Krankèkassè gsi isch. Dè Aggisellbuck eignete abber nu für kurzi Flüüg bis zuè 15 Sekundè geignèt. Im selbè Johr isch Fluggländ übberall im Chleggau uusprbyrt un widder voworfè worrè. Nõchdèm vom Boolhof ein vo dè Flüger zum èrschtè Mòl 120 Sekundè lang i dè Thermik flügè hèt chonnè, isch d Suèchi nõch èm geignetè Glände un ènèrè Heimèt für d Segelflüger abgschlossè gsi. Im ganzè Chreis WaldshuèT hèn sich Gruppè zömmè gfundè, wo eigeni Flugzüüg baut hèn un demit flügè hèn wellè. Dõdefür isch dè Boolhof è geignets Geländ gsi, schu bald sin vo dört è baar söttigi Gruppè gflogè.

Im Johr 1934 isch dè Boolhof vo dè Flugbolizei abgnõ un zum Flugblatz erklärt worrè. Im glychè Johr isch diè èrschti Hallè baut wörrè, wo hüt als Segelflugzüüghallè bruucht wörd. 1935 isch d „Boolhofringè“ als Voeinigung uss dè Ortsgruppè Ärzingè, Stüèlingè, Jeschtettè un Öschingè gründet worrè. Mit dè Iifüürung vum Windèschtart 1936 sin d Flüüg immer witter und länger gangè un 5-Stundè-Flüüg sin kei Seltèheit mee gsi.

I dè Nazi-Zit ischz durch d „Glychschaltig“ im April 1937 un d Umwandlig vom dütschè Luftschportvoband i s Nationalsozialistischi Flygerkorps (NSFK) uss dè Ortsgruppè Waldshuèt un Ärzingè dè „NSFK-Sturm Waldshuèt“ entschtandè. Dè Boolhof isch mee un mee zuè nèm Lehrgangsglände vo dè „Flyger-HJ“ worrè, sell isch è Sondereinheit vo dè Hitlerjugend (HJ). Bi nèm einzigè Lehrgang sin füüf vo sechs Ärzinger Maschinnè z Bruch gangè. Vor un wôrend èm Zweitè Wältchrièg isch dè Flugblatz è Grundausbildungsschtätti für Pilotè gsi. Wôrend sellèrè Zit hèt dè Boolhof mit bis zu 12.000 Starts pro Johr zu dè meischtbeflogènè Segelflugblätz z Dütschland zellt. 1939 isch dè brivate Segelflugbedryb stillgschtandè. Nõch Chriègsèndi isch dè gsamte Flugzüügpark un è Hallè vo dè Franzosè abdransportyrt worrè.

Èrscht 1951 isch es widder zuè dè Freigaab vum Segelflug durch diè Alliyrti Hochi Kommission chò. Dè Segelfluggruppè Ärzingè (SGE) hèt uss dè Schwiz èn Zögling gschenkt chriègt, wo mò abber zèrscht übberholè hèt müèsè un denn nu für Graaduusflüg un lychti Kurvè zuèglõ gsi isch. 1956 isch es abber widder zuè neuè Yschnitt im Flugbedryb chò. Zuè dè Drènnig vum auf d Segelflugvokeer un èm motorisyrtè Luftvokeer am Flughafè Chlotè, wo mò 1946 aagfangè hèt z bauè, hèt mò d Flughöchi uff èm Boolhof un i dè Nöchi uff 4000 Fuß odder ca. 1200 Meter bschränkt. Spôter isch d Flughöchi witter uff 900 Meter reduzyrt un denn widder in eim Sonderzuègschtändnis uff diè hüt no gültigi 1050 Meter feschtgsetzt worrè, wa oppè 500 Meter übber Grund bedütet. Dõdeby isch z berüggsichtigè, dass dè Boolhof zimli nõch a dè Luftvokeersschtrõß Stuègètt-Züri lyt, uff wellèRè d Aaflüg durch s Wuètèdal gòt und èrscht bi Schwèrzè öppè bim Boolhof abknickt in Richtig Küssaburg. 1957/58 isch es zuè nèrè Gründig von èrè gmeinsamè Dachorganisation durch d Segelfluggruppè Ärzingè (SGE) un dè Segelflygervoeinigung Hochrhy (SVH) chò, wa denn 1976 zuè dè Zämmèfassig in èm Vorein mit èm Nammè „Segelfluggemeinschaft Bohlhof“ (SGB) gfüürt hèt.

Flugbedryb

Dè offizièlle Flugbedryb findet vo März bis Oktobèr meischtens am Wochèènd bi entschprèchendem Wetter statt. Im Augèbligg git s im Vorein sechs Segelflugzüüg (drei Zwei- un drei Einsitzer), zwei Motorsegler (Zweisitzer) un ei vyrsitzigs Reise- un Schleppflugzüüg, sowiè meereri brivati Flugzüüg.

Dè Luftruum TMA Züri erlaubt dõ è maximaal zuèlässigi Flughöchi vo 1.050 Meter. Er unterschtòt dè Uffsicht vo dè Schwizer Flugsicherung Skyguide. Segelflǜger stôn dõ d Regionè Südschwarzwald, Wuètèdal, Hochrhydal un d Chleggau offè, Motorseglern der Schwarzwald, die Schwäbische Alb und das Schweizer Jura.

S Segelfluggländ vofüègt übber è 650 Meter langi Start- un Landebaan mit èrè Grasobberflächi, d Baanrichtig isch 04/22 uff einèrè nõch Südweschtè hy lycht abhäldigè Wisè. Möglichi Bedrybsartè sin Windèschtart, Flugzüügschlepp un Motorsegler.

Segelflugblätz i dè Umgèbig

Dè Boolhof isch ußer m Flugplatz Schmerlat bi Nüüchilch im Chläggi un dõdemit i dè Schwiz dè einzige Flugblatz für Segel- un Motorflugzüüg im Chleggau. Diè witterè nägschstglegenè Segelflugblätz sin dè Segelflugblatz Riselfingè uff dè Weschtbaar bi Löffingè, dè Flugblatz Rickèbach im Hotzèwaald un dè Flugblatz Blummbärg bi Blummbärg-Zollhuus im obberè Aitrachdal.

Literadur

• Segelfluggmeinschaft Boolhof (Hrsg.): 75 Jahre Segelflug am Bohlhof 1932–2007. Feschtschrift, Öschingè 2007.

Weblinggs

• Homepage vo dè Segelfluggmeinschaft Boolhof (SGB)

Einzelnõchwys

Dä Artikel basiert uff ere fräie Übersetzig vum Artikel „Segelfluggelände_Bohlhof“ vu de dütsche Wikipedia. E Liste vu de Autore un Versione isch do z finde.