Flugblatz Schmèrlat

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Èn Motorflüüger uff èm Flugblatz Schmèrlat, hinnè Lööningè un dè Randè

Flugblatz Schmèrlat isch è Segelflugblatz uff èm Schmèrlat i dè Chleggaurünni im südliche Kanton Schaffuusè zwüschè m Buèrè- un Wyybaudorf Lööningè un dè Stadt Nüüchilch. Er wörd durch d Segelfluggruppè Schaffuusè (SGS) bedribbè.

Geografii[ändere | Quälltäxt bearbeite]

Dè Flugblatz Schmèrlat lyt wiè in èm Drichter, wo sich gegè Weschtè zum Hochrhy hy öffnè duèt. Am Nordrand vo dè Chleggaurünni ligèd d Sibbè Randè, am Südrand vo dè Rünni, nu oppè 300 m vum Schmèrlat ewäg dè Südrandè.

Dè Schmèrlat sèlber isch è munzigs Büggèle am Südrand vu dè Chläggirunni, wo vomuètlich èmol è ehemòligè Kysbank im Urschtròmdal vum Hochrhy gsi isch. Dè Schmèrlat lyt fascht am linkè Rand vo dè Chläggirünni, durch diè schmal Passagè südlich vum Schmèrlat bassèd nu no d Hauptschtrõss 13 un dè Schaffuuser Abschnitt vo dè Hochrhybaan durrè. Nördlich vum Schmèrlat gòt d Ortsvobindigsschtrõss Lööningè-Nüüchilch voby.

Alleischtelligsmerkmòl vum Flugblatz Schmèrlat sin:

  • Schmèrlat isch dè einzig Flughaffè im Kanton Schaffuusè.
  • Schmèrlat isch dè nördlichscht Flugblatz vo dè ganzè Schwiz.

Witerhy gildèt dè Flugblatz uff dè Schmèrlat als dè bescht z erreichende Segelflugblatz i dè Schwiz, allei schu deshalb well er èn rächt grossè Abschtand zum Alpèhauptkamm hèt. Dè högscht Buggel i dè Nöchi isch dè Hoche Randè mit èrè maximaale Höchi vun 930,2 m ü. NHN.

Segelflugblätz i dè Umgèbig[ändere | Quälltäxt bearbeite]

D Schmèrlat isch ußer m Segelfluggelände Bohlhof bi Schwèrzè im Wuètèdal un dõdemit z Südbaddè dè einzige Flugblatz für Segel- un Motorflugzüüg im Chläggi. Diè witterè nägschstglegenè Segelflugblätz sin dè Segelflugblatz Riselfingè uff dè Weschtbaar bi Löffingè, dè Flugblatz Rickèbach[1] im Hotzèwaald un dè Flugblatz Blummbärg[2] bi Blummbärg-Zollhuus im obberè Aitrachdal uff dè Nordsitè vum Randè.

Literadur[ändere | Quälltäxt bearbeite]

  • Segelfluggmeinschaft Boolhof (Hrsg.): 75 Jahre Segelflug am Bohlhof 1932–2007. Feschtschrift, Öschingè 2007.

Weblingg[ändere | Quälltäxt bearbeite]

 Commons: Flugblatz Schmerlat – Sammlig vo Multimediadateie

Einzelnõchwys[ändere | Quälltäxt bearbeite]

  1. Websitè Luftschportgruppè Hotzèwaald
  2. Websitè Luftschportvorein Blummbärg

47.6899248.526406Koordinaten: 47° 41′ 24″ N, 8° 31′ 35″ O; CH1903: 681667 / 282711