Schwarzwaldbrugg

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

47.5580555555567.6138888888889Koordinate 47° 33′ 29″ N, 7° 36′ 50″ O; CH1903: 613192 / 267497

f1
Schwarzwaldbrugg
Schwarzwaldbrugg
D Schwarzwaldbrugg
Brucht as Stroossebrugg
Überfüerig über A2, A3
Goot über Rhein
Ort Basel
Konstrukzioon Spannbetonbrugg
Gsamtlengi 233,5 Meter
Bräiti 47,7 Meter
Faarzüüg pro Daag 81'800 (Juli 2005)
Aafang vom Baue 1970
Fertig worde 1973
Laag
Schwarzwaldbrücke (Schweiz)
Schwarzwaldbrücke
Dialäkt: Baseldütsch

D Schwarzwaldbrugg isch dr Rhiiübergang in dr Schwizer Stadt Basel, wo am mäiste brucht wird. Si isch s Härzstück vo dr Autibaanverbindig zwüsche dr schwizerische A 2 und dr dütsche A 5. Usserdäm goot au dr lokali Vercheer drüber.

Gschicht[ändere | Quälltäxt bearbeite]

Wo die dütschi Nord-Süd-Autibaan vo Hamburg und Frankfurt am Main dr Schwizer Gränze nööcher cho isch, het mä au in dr Schwiz aagfange, sich Gedanke drüber z mache, wie mä dr Vercheer von ere cha witerläite. Die äidgenössische Rööt häi denn im Joor 1960 beschlosse, s Schwizerische Nazionalstroossenetz z baue. Woorschinlig s wichdigste Elimänt für e internazionale Transitvercheer isch dr Bau vo dr domoolige Nazionalstrooss N2 (hüte A2) vo Basel über Luzern und dr Gotthard uf Chiasso gsi.

Vo dr Middi vo de 1960er Joor aa het die dütschi Bundesautibaan 5 e baar hundert Meter nördlig vo dr Schwizer Gränze bi Wiil-Friidlinge ufghöört und dr Vercheer isch brovisorisch uf d Bundesstroosse, wo scho existiert häi, umgläitet worde. Für d Fortsetzig si zwäi Varianten in Betracht zooge worde: En üsseri Osttangänte, wo dur s Noocherholigsgebiet Langi Erle und dur Birsfälde gange weer und en inneri as Stadtautibaan kweer dur d Stadt Basel.

Es het langi und hitzigi Usenandersetzige gee in dr bräite Öffentlikäit, bis dass dr Groossi Root beschlosse het, die inneri Osttangänte, wo nit emol 6 Kilometer lang gsi erre, vorzzie, und das, wil d Liniefüerig, wo nööcher zum Stadtzentrum si wurd, de Gläisaalaage vo dr SBB und dr Verbindigsbaan wurd folge. Mä het au no ghofft, ass mit Aaschlüss an d Autibaan dr innerstedtisch Vercheer chönn entlaste.

Im Summer 1966 het mä mit em Baue vo dr Stadtautibaan aagfange.

D Brugg[ändere | Quälltäxt bearbeite]

Für d N2 het män e nöiji Brugg über e Rhii müesse baue, zwüsche dr Verbindigsbaanbrugg und dr Dalbebrugg. Die nöiji Brugg isch e Fortsetzig vo dr Schwarzwaldallee-Strooss gsi und het dorum dr Naame Schwarzwaldbrugg überchoo. Es het uf ere au Spuure für e Lokalvercheer ghaa und dorum isch d Dalbebrugg, wo grad drnääbe gsi isch, überflüssig worde und mä het sä 1973 abbroche.

D Bauarbäite si vo 1970 bis 1973 gange und zää Undernääme, wo am ene internazionaale Submissionswettbewärb gwunne häi, häi sä usgfüert.

D Brugg isch us Spannbeton baut, isch 233,5 Meter lang und 47,7 Meter bräit und het zää Spuure, stoot uf zwäi Pfiilergrubbe mit je vier Pfiiler, het e middleri Öffnig vo 119 Meter, d Öffnig uf dr Chläibasler Site isch 59,5 und uf dr Groossbasler Site 55,2 Meter.

D Fundamänt vo de Pfiiler si in ere offnige Baugruebe in dr draagfähige Molasse baut worde und d Widerlaager si zum Däil Bestanddäil vo de Vorlandbrugge, wo dra aagschlosse si und wo für gwärbligi und wassersportligi Zwäck brucht wärde.

Vo de zää Spuure si in dr Middi vier Spuure für d Autibaan reserviert und uf bäide Site si die drei üssere Spuure für dr lokali, individuelli Stadtvercheer doo. Näbe de Gländer het s uf bäide Site Drottwar für d Fuessgänger, wo öbbe drei Meter bräit si. Bi dr Blaanig vo dr Brugg het mä allerdings d Velo vergässe und het das im noochiine mit Farbmarkierige müesse korrigiere.

E groose Däil vom Vercheer vo dr Nord-Süd-Aggse goot über d Schwarzwaldbrugg. Im Juli 2005 het mä bis zu 81'800 Faarzüüg pro Daag zellt.

Lueg au[ändere | Quälltäxt bearbeite]


Information icon.svg Dä Artikel basiert uff ere fräie Übersetzig vum Artikel „Schwarzwaldbrücke“ vu de dütsche Wikipedia. E Liste vu de Autore un Versione isch do z finde.