D Dufuurbrugg

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

47.5562717.596777Koordinaten: 47° 33′ 22,6″ N, 7° 35′ 48,4″ O; CH1903: 611904 / 267296

BWf1
Dufuurbrugg
Brucht as Stroossebrugg
Goot über Rhii
Ort Basel
Konstrukzioon Schiffbrugg
Aafang vom Baue 7. Januar 1857
Fertig worde 15. Januar 1857
Eröffnig 15. Januar 1857
Blaaner D Pontoniee vo dr Schwizer Armee
Schliessig Merz 1857
Laag
Dufourbrücke (Schweiz)
Dufourbrücke
Dialäkt: Baseldütsch

D Dufuurbrugg isch e temporäri, strategischi Schiffbrugg gsi, wo d Schwizer Armee im Joor 1857 z Basel über e Rhii baut het.

Wägen em Nöijeburger Handel, wo 1856 usbroche isch, si d Spannige zwüsche dr Schwiz und Pröisse hooch gsi, und dr General Guillaume-Henri Dufour het sich uf e mööglige milidäärische Aagriff vo de Pröisse vorberäitet. Er het am 7. Januar 1857 dr Befääl gee, am Harzgraabe e Brugg über e Rhii z schloo, zum gnueg Bruggekapazideet für Drubbeverschiebige uf die rächti Site vom Rhii z haa, wil s zu sällere Zit z Basel nume en äinzigi Brugg über e Rhii gee het, die hütigi Middleri Brugg. S Ändi vo dr Brugg uf dr Groossbasler Site isch öbbe 100 Meter bachuf vo dr hütige Wettstäibrugg gsi, wo s denn nonig gee het. Uf dr Chläibasler Site isch mä vom Theodorsgraabe uf d Brugg choo.

Für zum d Brugg baue, het mä alles brucht, wo mä het chönne ufdriibe: groossi Chooleschiff, gwöönligi Bööt, Blöck und iigrammti Pfööl. D Ströömig isch stark gsi und d Änker si nume uf em Grund driibe. Dorum het mä Säili vo äim Ufer zum andere gspannt, und d Schiff draa aabunde. In acht Dääg si d Pontoniee fertig gsi, und mä het über d Brugg chönne. Dr Bärner Gottlieb Ott het as Bauääscheniöör mitgschafft.

D Basler häi sich schnäll an die nöiji Brugg gwöönt und sä vermisst, wo si im Merz 1857 wider abbroche worde isch. Zwanzig Joor spööter het mä denn fast am gliiche Blatz d Wettstäibrugg baut.


Information icon.svg Dä Artikel basiert uff ere fräie Übersetzig vum Artikel „Dufourbrücke“ vu de dütsche Wikipedia.

E Liste vu de Autore un Versione isch do z finde.