Dr Birskopfstääg

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

47.55757.6172222222222Koordinate 47° 33′ 27″ N, 7° 37′ 2″ O; CH1903: 613443 / 267436

BWf1
Birskopfstääg
Brucht as Fuessgängerbrugg
Goot über Birs
Ort Basel
Konstrukzioon Staalkastedraagwärk
Bräiti 4,8 Meter
Bauchöste 2,4 Millioone Franke
Aafang vom Baue 2011
Fertig worde April 2012
Laag
Birskopfsteg (Schweiz)
Birskopfsteg
Dialäkt: Baaseldütsch

Dr Birskopfstääg isch e Fuessgängerbrüggli am Birsköpfli in dr Stadt Baasel. Er verbindet die bäide Däil vo dr Ufermatte an dr Mündig vo dr Birs in Rhii.

Dr ersti Stääg[ändere | Quälltäxt bearbeite]

1963 isch dr Birskopfstääg as die ersti Schreegsäilbrugg in dr Schwiz iigweiht worde. Am ene A-förmige Pylon, wo asümmetrisch aagordnet gsi isch, isch en U-förmige Bruggedroog us Beton an drei Bäärli Kaable ghange, wo us Staaldrootgflächt gmacht gsi si.

D Brugg isch nume für Fuessgänger konzipiert gsi und wil s Birsköpfli sich in de 2000er Joor uf bäide Site vo dr Birs zum ene beliebte Erhooligsort für e Hufe Lüt entwigglet het, hätt mä d Brugg im Joor 2007 umfassend sötte saniere. Am 22. Juni 2007 isch äins vo de säggs Dragsäili verrisse, und mä het d Brugg gspeert und spööter abbroche.

Dr zwäiti Stääg[ändere | Quälltäxt bearbeite]

Im April 2008 het mä e brovisorischi Holzbrugg mit zwäi Fachwärkdrääger baut. S Basler Archidekduurbüro Christ & Gantenbein und ZPF Ingenieure häi e nöije Stääg entworfe, und 2011 het mä afo baue. Im April 2012 isch d Brugg iigweit worde. Es isch e Brugg für Fuessgänger und Velo, isch 4,8 Meter bräit und sitzt uf eme Staalkastedraagwärk und mä säit ere «schwääbende Asfalt». Si het 2,4 Millioone Franke kostet und isch vom Bund, de bäide Baasler Kantöön und dr Gmäind Birsfälde finanziert worde.[1]

Fuessnoote[ändere | Quälltäxt bearbeite]

  1. Dr Ardikel «Brückenschlag zwischen den beiden Basel» vom 23.4.2012, (Memento vom 29. Juni 2012 im Internet Archive) uf dr Daageswuche, abgrüeft am 9-1-2013


Information icon.svg Dä Artikel basiert uff ere fräie Übersetzig vum Artikel „Birsköpfli“ vu de dütsche Wikipedia. E Liste vu de Autore un Versione isch do z finde.