Olschbrg im Aargau

Us der alemannische Wikipedia, der freie Dialäkt-Enzyklopedy
Olschbrg
Wappe vo Olschbrg
Wappe vo Olschbrg
Basisdate
Staat: Schwiiz
Kanton: Aargau (AG)
Bezirk: Rhiifäldew
BFS-Nr.: 4257i1f3f4
Poschtleitzahl: 4305
Koordinate: 626067 / 263710Koordinate: 47° 31′ 25″ N, 7° 47′ 5″ O; CH1903: 626067 / 263710
Höchi: 377 m ü. M.
Flächi: 4.68 km²
Iiwohner: 353 (31. Dezämber 2021)[1]
Website: www.olsberg.ch
Olsberg AG
Olsberg AG

Olsberg AG

Charte
Charte vo Olschbrg
Charte vo Olschbrg
w

Olschbrg (ˈɔlʃ.bəɾɡ, amtlig hochdütsch Olsberg)[2] isch e Iiwohnergmeind im Bezirk Rhiifälde vom Schwiizer Kanton Aargau. Si lit im Weste vo dr Region Frickdaal, öbbe drei Kilometer südlig vo dr Gränze zu Dütschland und gränzt an Kanton Basel-Landschaft.

Geographii[ändere | Quälltäxt bearbeite]

S Dorf lit im Dal vom Violebach, in dr Übergangszone zwüschen em Dafeljura und dr Oberrhiinische Diefebeni. Es isch im doppelter Hiisicht in zwei Deil deilt. Dr Bach, wo dur s Dorf fliesst, isch gliichzitig d Kantonsgränze. Dr chliineri Dorfdeil im Süde, wo men em au «Ländli» sait, ghört zur Gmeind Arisdorf im Kanton Basel-Landschaft. Dr nördligi, aargauischi Dorfdeil lit am Fuses vom 469 Meter hoche Schönebärg. Drei Kilometer südsüdöstlig vom Dorfzentrum befindet sich en Exklave. Die isch unbewohnt und umfasst e Deil vom Osthang vom Eilete (626 müM) mit em Bowald.[3]

D Flechi vom Gmeindigebiet bedräit 468 Hektare, drvo si 277 Hektare bewaldet und 25 Hektare überbaut. Dr höggst Punkt lit uf 571 Meter im Nordweste vo dr Bowald-Exklave, dr diefst uf 316 Meter am Violebach.

Nochbergmeinde si Kaiseraugst im West, Rhiifälde im Norde, Magde im Oste und Aschdrf im Süde. D Exklave gränzt usserdäm an Hersberg und Nusshof.

Bevölkerig[ändere | Quälltäxt bearbeite]

D Bevölkerungsentwicklig zwüsche 1900 und 2000:[4]

Johr 1900 1930 1950 1960 1970 1980 1990 2000
Iiwohner 259 244 230 218 205 265 314 374

Am 31. Dezember 2021 hai 353 Lüt z Olschbrg gwohnt, drvo 8,1 % Usländer. Bi dr Volkszellig 2000 si 44,3 % reformiert, 22,9 % römisch-katholisch und 10,9 % christkatholisch gsi; 1,1 % hai en anderi Religion aagee. 96,3 % hai Dütsch as ihri Hauptsprooch bezeichnet, 1,6 % Französisch.[5]

Dr Dialäkt, wo z Olschbrg gredt wird, ghört zum Nordweschtschwyzerdütsch.

Politik und Rächt[ändere | Quälltäxt bearbeite]

D Versammlig vo de Stimmberächtigte, d Gmeindiversammlig, het d Legislativgwalt. Die usfüehrendi Behörde isch dr fümfchöpfig Gmeindiroot. Si Amtszit isch vier Johr lang, und er wird im Majorzverfahre vom Volk gwehlt. Er füehrt und repräsentiert d Gmeind, vollzieht d Beschlüss vo dr Gemeindiversammlig und d Ufgoobe, won em dr Kanton und dr Bund zuedeile.

Für Rächtsstriitigkeite isch s Bezirksgricht Rhiifälde zueständig. Olschbrg ghört zum Friidensrichterkreis Rhiifälde.

Literatur[ändere | Quälltäxt bearbeite]

  • Edith Hunziker, Peter Hoegger: Die Kunstdenkmäler des Kantons Aargau, Band IX: Der Bezirk Rheinfelden. Hrsg. von der Gesellschaft für Schweizerische Kunstgeschichte GSK Bern 2011 (Kunstdenkmäler der Schweiz Band 119). ISBN 978-3-906131-94-8. S. 379–403.

Weblingg[ändere | Quälltäxt bearbeite]

 Commons: Olschbrg – Sammlig vo Multimediadateie

Fuessnote[ändere | Quälltäxt bearbeite]

  1. Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 13. März 2023
  2. Beat Zehnder: Die Gemeindenamen des Kantons Aargau. In: Historische Gesellschaft des Kantons Aargau (Hrsg.): Argovia. Band 100. Verlag Sauerländer, Aarau 1991, ISBN 3-7941-3122-3, S. 337–339.
  3. Landescharte vo dr Schwiiz, Blatt 1068, Swisstopo
  4. Bevölkerungsentwicklung der Gemeinden im Bezirk Rheinfelden Archivlink (Memento vom 5. Mai 2005 im Internet Archive), Statistischs Amt vom Kanton Aargau
  5. Gemeindeporträt Archivlink (Memento vom 9. Juli 2007 im Internet Archive), Statistischs Amt vom Kanton Aargau