Schupfert

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Schupfert
Wappe vo Schupfert
Basisdate
Staat: Schwiiz
Kanton: Aargau (AG)
Bezirk: Rhiifäldew
BFS-Nr.: 4259i1f3f4
Poschtleitzahl: 4325
Koordinate: 639775 / 26286047.5152797.96667457Koordinaten: 47° 30′ 55″ N, 7° 58′ 0″ O; CH1903: 639775 / 262860
Höchi: 457 m ü. M.
Flächi: 7.05 km²
Iiwohner: 825 (31. Dezämber 2017)[1]
Website: www.schupfart.ch
Charte
Charte vo Schupfert
ww

Schupfert (ˈʃʊ.pfəɾtʰ amtlig hochdütsch Schupfart)[2] isch en Iiwohnergmeind im Bezirk Rhiifälde vom Schwiizer Kanton Aargau. Si lit im Zentrum vo dr Region Frickdaal, öbbe meh as drei Kilometer südlig vo dr Gränze zu Dütschland.

Geographii[ändere | Quälltäxt bearbeite]

Schupfert isch e Hufedorf, wo in ere flache Mulde am oberen Ändi vom Fischingerdaal lit. Im nördlige und im westlige Deil vom Gmeindigebiet, wo dr Fischingerbach dursfliesst, si die flache und usdehnte Hochebene vom Eikerbärg (504 müM) und vom Hellikerbärg (541 müM). Im Gegesatz zum undere Deil vom Fischingerdaal goht dr Übergang zu de Hochflechene liicht ufwärts. D Häng vom Wolbärg (556 müM) im Oste und vor allem vom Diersteibärg (749 müM) si stellewiis üsserst stotzig. Nördlig vo Schupfert, im Gebiet vom Eikerbärg, lit dr geographisch Middelpunkt vom Frickdaal.[3]

D Flechi vom Gemeindigebiet bedräit 705 Hektare, drvo si 228 Hektare bewaldet und 49 Hektare überbaut. Dr höggst Punkt lit uf 749 Meter an dr Gländkante vom Diersteibärg, dr diefst uf 408 Meter am Fischingerbach.

Nochbergmeinde si Münchwile und Eike im Norde, Frick im Nordoste, Gipf-Oberfrick im Südoste, Wägstette im Südweste, Hellike im Weste und Obermumpf im Nordweste.

Chille, erwähnt 10. Jhr
Gmeinds- und Schuelhuus

Bevölkerig[ändere | Quälltäxt bearbeite]

D Bevölkerigsentwicklig vo 1768 bis 2000:[4]

Johr 1768 1850 1900 1930 1950 1960 1970 1980 1990 2000
Iiwohner 253 530 424 491 488 505 511 504 542 681

Am 31. Dezember 2017 hai 825 Lüt z Schupfert gwohnt, drvo 7,7 % Usländer. Bi dr Volkszellig 2000 si 76,1 % römisch-katholisch, 14,0 % reformiert und 1,8 % christkatholisch gsi. 96,5 % hai Dütsch as ihri Hauptsprooch bezeichnet.[5]

Politik und Rächt[ändere | Quälltäxt bearbeite]

D Versammlig vo de Stimmberächtigte, d Gmeindiversammlig, het d Legislativgwalt. Die usfüehrendi Behörde isch dr fümfchöpfig Gmeindiroot. Si Amtszit isch vier Johr lang, und er wird im Majorzverfahre vom Volk gwehlt. Er füehrt und repräsentiert d Gmeind, vollzieht d Beschlüss vo dr Gemeindiversammlig und d Ufgoobe, won em dr Kanton und dr Bund zuedeile.

Für Rächtsstriitigkeite isch s Bezirksgricht Rhiifälde zueständig. Schupfert ghört zum Friidensrichterkreis Wägstette.

Fuessnote[ändere | Quälltäxt bearbeite]

  1. Ständige und nichtständige Wohnbevölkerung nach Jahr, Kanton, Bezirk, Gemeinde, Bevölkerungstyp und Geschlecht (Ständige Wohnbevölkerung). In: bfs.admin.ch. Bundesamt für Statistik (BFS), 2018-08-31. Abgrüeft am 2018-09-30.
  2.  Beat Zehnder: Die Gemeindenamen des Kantons Aargau. In: Historische Gesellschaft des Kantons Aargau (Hrsg.): Argovia. Band 100, Verlag Sauerländer, Aarau 1991, ISBN 3-7941-3122-3, S. 389–391.
  3. Landescharte vo dr Schwiiz, Blatt 1069, Swisstopo
  4. Bevölkerungsentwicklung der Gemeinden im Bezirk Rheinfelden Archivlink (Memento vom 5. Mai 2005 im Internet Archive), Statistischs Amt vom Kanton Aargau
  5. Gemeindeporträt Archivlink (Memento vom 8. Juli 2007 im Internet Archive), Statistischs Amt vom Kanton Aargau