Provinze vo Italie

Us der alemannische Wikipedia, der freie Dialäkt-Enzyklopedy
d Provinze und d Metropolitanstedt vo Italie

D Provinze vo Italie bilde zäme mid de Metropolitanstedt bi dr geografische Ydäilig vo Italie gmäss dr iteliänische Staatsverfassig die middleri Organisazioonsebeni.

Forme[ändere | Quälltäxt bearbeite]

Uf der obere Ebeni sind die 20 Regioone vo Italie, und in 19 vo däne giz die 92 Provinze und no 14 Metropolitanstedt. D Metropolitanstedt het mä sid äm Joor 2014 us 14 vorhärige Provinze pildet.

D Regioon Augschdaal i de Alpe isch nid no wyters in Provinze underdäilt. D Verwaltigsufgabe, wo a andernen Oorte d Provinze woornämme, wärde do vo dr Regionsverwaltig abdekt.

D Provinze Südtirol und Trient sind wäge der psundere Gschicht und de sproochlige Verheltnis vo däne Gebiet im Status vo Autonome Provinze und stönd politisch gsee praktisch uf dr glyche Ebeni wie d Regioone; d Regioon Trentino-Südtirol, wo über ine stoot, het drumm fasch käi eigeti Kompetänze mee.

Organisazioon[ändere | Quälltäxt bearbeite]

Italie het uf e 1. Jänner 2015 d Behörde vo de Provinze ganz nöi ygrichtet. Die hend jetz en Provinzpresidänt und en Provinzroot, wo vo de Bürgermäischter und de Stadt- und Gmäindrööt vo de Provinz gwäält wärde, und dezue ane als wyters Organ d Versamlig vo de Bürgermäischter, d assemblea dei sindaci.

Wider andersch ischs aber imer no bi de Autonome Provinze. Em Südtirol und em Trentino het me di diräkt vom Volch gwäälte Landtääg gloo, und dr Landeshoupme füert do wyter d Landesregierig. Im Trentino cha s Volch au no de Landeshoupme diräkt wääle, im Südtirol macht das dr Landtaag.

d Regioone vo Italie

D Provinze[ändere | Quälltäxt bearbeite]

Metropolitanstedt[ändere | Quälltäxt bearbeite]