Ländlerkapelle Oberalp

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Glarnertüütsch

D' Ländlerkapelle Oberalp isch sit em 1969i e Musiggruppe us em Bündnerland. Sie het de Name überchoo, will der Kapällmäischter, d'r Silvio Caluori, z' Chur a d'r Oberalpstrass gwohnt het. Mit vu d'r Partie isch au d'r Arno Jehli gsii, der hüttig Kapällmäischter.

Nach wenige Jaar het die tüpisch Bündnerformaziuu mit Klarinette, Handorgle, Schwyzerörgeli und Bassgiige vill Personalwechs'l gchaa. D'r Arno Jehli het d' Läitig übernuu und isch immer dranne blibe. Er het au vill Sache sälber komponiert, wivill, das weis er hüt sälber nüd.

Nach zäche Jaar het i'm Schtädtli Chur e Schtiilbând gschpillt - d' Cocotara Steelband. D' Kapällä Oberalp het sich mit denä Musikante zämetue, und das het es Experimänt ergii. Si hend i dere Bsetzig au en Toonträäger uufgnoo. Das isch d'r Aafang gsii vu viile Experimänt: Die wohl bedüütendschte sind s' Zämmeschpiel mit de Saxi-Driimers und eme Sinfonieorcheschter.

Hüt bschtaad die Formaziuu us de folgende sächs Musikante:

  • Fortunat Caduff, Bassgiige
  • Arno Jehli, Schwiizerörgeli und Handorgle
  • Josias Juuscht, Klarinette und Saxofon
  • Kurt Patzen, Schwiizerörgeli und Handorgle
  • Walter Rogentin, Klarinette und Saxofon
  • Martin Tanner, Klarinette und Saxofon

Mängmal begläitet au d'r Felix Calonder am Schwyyzerörgeli, oder dänn sinds Gaschtmusikante, wo es Experimänt mitgschtaltet.