Herte
Herten Gmeind Badisch-Rhyfälde
| |
|---|---|
.svg) | |
| Dialekt: | Alemannisch |
| Hauptvariante: | Hochalemannisch |
| Regionalvariante: | Dinkelbergisch |
| Höchi: | 281 m |
| Flechi: | 8,23 km² |
| Iiwohner: | 4663 |
| Bevölkerigsdichti: | 567 Iiwohner/km² |
| Iigmeindig: | 1. Januar 1973 |
| Regierigsbezirk: | Fryburg |
| Landchreis: | Lörrach |
| Poschtleitzahl: | 79618 |
| Vorwahl: | 07623 |
| Nummereschild: | LÖ |
Herte isch e Dorf im Landchreis Lörrach und sit em erschte Oktober 1973 e Ortsdeil vo Badisch-Rhyfälde.
Lag
[ändere | Quälltäxt bearbeite]
Herte isch im Weste bis Südweste vo Rhyfälde. Im Norde gränzt s an Degerfälde, im Oste an Warmbach (e Deil vo de Chernstadt). Im Weste litt Grenzach-Wyhle uff em Riehrberg. De Ortsdeil Herte litt usserdem an de Schwizer Gränze gegenüber vo Chaiseraugscht AG.
Gschicht
[ändere | Quälltäxt bearbeite]Di erschte Sydler sin d Römer gsi, wie Fünd uss derre Zit bewyse, mer hät aber au e alemannische Friedhof entdeckt. Di erschti Erwähnig isch im Johr 807 als Harta/Hertum gsi; wahrschints hät s dörtmolige Dorf zu de Grafschaft Rhyfälde ghört. 1291 isch e Burg Hertin z Basel erwähnt worre. Mit de Grafschaft Rhyfälde zämme isch Herte 1494 zu Östrych cho.
Im Johr 1879 isch z Herte s St. Josephshus gründet worre. Säll isch e Pflägeheim mit re Behindertewerchstatt.[1]
Vom 12. bis 15. Juli 2007 hät e Jubiläumsfest stattgfunde.
Wappe
[ändere | Quälltäxt bearbeite]S Wappe vo Herte (vgl. Infobox) zeigt uff blauem Grund e goldigs Hexagramm, wo i siner Mitti e Wappe mit de Farbe vo de östrychische Flagge isch. S goldige Hexagramm isch s Dorfzeiche, di östrychischi Flagge erinnert an d Züeghörigkeit zu Östrych. S Wappe isch 1905 eso bschlosse worre.[2]
Verchehr
[ändere | Quälltäxt bearbeite]S Dorf isch über d Hochrhybahn (Basel–Chrüzlinge) mit em überregionale Schienenetz verbunde. Do drüber use hät si Busverbindige. Si ghört em Regio-Verchehrsverbund Lörrach a. D Bundesstroß B34 fiehrt uff Bodme-Ludwigshafe und uff Grenzach-Wyhle. Usserdem isch Herte über d L139 mit Grenzach-Wyhle und Rhyfälde-Degerfälde verbunde. Nächsti Audobahnaschlussstelle sin:
- A 861, Yfahrt Rhyfälde-Süd/Grenzach-Wyhle (B34)
- A 98, Yfahrt Lörrach-Ost und
- A 2 (Schwiz), Yfahrt Basel-Ost/Wettstei
Bildig
[ändere | Quälltäxt bearbeite]Herte hät e Grund- und e Hauptschüel. Alternativi witerfiehrendi Schüele sin z Grenzach, Lörrach, Rhyfälde und Bad Säckinge. Usserdem gits im Ortsdeil Herte e katholische und e evangelische Chindergarte, zudem e Schüel und Chindergarte für Lüt mit geistiger Behinderig.
Weblink
[ändere | Quälltäxt bearbeite]
Commons: Herte – Sammlig vo Multimediadateie- Herte uf de Website vo Rhyfälde
Quälle
[ändere | Quälltäxt bearbeite]- ↑ Herten (Memento vom 3. Novämber 2016 im Internet Archive) uf gutes-vom-dinkelberg.de
- ↑ Geschichte von Herten (Site cha nüme abgrüeft wärde; Suche im Webarchiv) uf rheinfelden.de
