Nollinge

Wappe	Dütschlandcharte
	47.597.7711111111111273
Basisdate
Dialekt:	Alemannisch
Hauptvariante:	Hochalemannisch
Regionalvariante:	Dinkelbergisch
Verbreitig:	mittelmäßig
Bundesland:	Bade-Württebärg
Regierigsbezirk:	Fryburg
Landchreis:	Lörrach
Höchi:	273 m ü. NHN
Flächi:	10,8 km²
Iiwohner:	3144 (5. Aug. 2004).
Bevölkerigsdichti:	292 Iiwohner je km²
Poschtleitzahl:	79618
Vorwahl:	07623
Kfz-Chennzeiche:	LÖ
Gmeischlüssel:	08 3 36 069
Adress vo dr Ortsteilverwaltig:	Kirchplatz 2 79618 Rheinfelden
Webpräsenz:	rheinfelden.de
Burgermeischter:	Klaus Eberhardt (SPD)

Nollinge (IPA: ['nɔlɪŋə], amtlig Nollingen) isch e Ortsdeil vo Badisch-Rhyfälde.

Geografischi Lag

De Ortsdeil isch im Oste vo de Stadt Rhyfälde, nördlig vo de Chernstadt. Westlig devo litt Degerfälde, nordöstlig sin Meisele und Charsau, alli drei durch e Wald vo Nollinge abtrännt, östlig Büge.
Nollinge litt uff 273 Meter über de NN.

Gschicht

Di erschti urkundligi Erwähnig vo Nollinge hät im Johr 752 stattgfunde. Sällemols hät e Alemannische Sydler im Chloster vo St. Galle s Dorf „Lollinga“ vermacht. Witeri Forme vom Dorfnamme sin Lollingam und Nollingin, de Name Nollingen chunnt uss em Johr 1284.
Vo 1202 bis im 15. Johrhundert hän d Ritter vo Nollinge s Dorf besydelt und e Wasserburg baut. Zämme mit de Herrschaft Rhyfälde isch Nollinge 1449 noch em verlorene Unabhängigkeitskampf an Östrych cho. Zämme mit em ganze Brysgau isch es im Johr 1805 an Bade gheit.
1894-98 isch durch s Chraftwerch d Industry gwachse; zerscht isch d Doppelgmeind Nollinge - Badisch-Rhyfälde entstande. Wo Warmbach 1922 ygmeindet worre isch, isch d Gmeind zu de Stadt Badisch-Rhyfälde erhobe worre.

Dialekt

De Dialekt vo Nollige ghört zuem Hochalemannische. En Iidruck vom Dialekt, wo in Nollige un Noochberort am End vom 19. Johrhundert gsproche worden isch, gen e paar Wenkersätz ussem Wenkerboge vo Nollige.

Wappe

S Wappe vo Nollinge zeigt e rote Löw uff goldigem Grund, wo e roti Rose in de Hand hät. S Wappe isch au des vo de Ritter vo Nollinge gsi.

Verchehr

D L143 verbindet Nollinge in westliger Richtig mit Degerfälde und Lörrach, in östliger Richtig mit Bügge. Vo ihre us gönn au d K6333 und d K6336 in Richtig Meisele und Charsau; durch de Wald dure git s au Verbindige uff Eichsle.

Zudem git s im Dorf fümf Bushaltstelle mit Verbindig zu de Busbahnhöf vo Lörrach und Rhyfälde.

Weblink

• Internetufftritt vo Rhyfälde