Heinrichswiu-Winischdorf
| Heinrichswil-Winistorf | ||
|---|---|---|
 | ||
| Basisdate | ||
| Staat: | Schwiiz | |
| Kanton: | Soledurn (SO) | |
| Bezirk: | Bezirk Wasseramt | |
| Gmeind: | Drei Höfe | |
| Poschtleitzahl: | 4558 | |
| Koordinate: | 614977 / 222998 | |
| Höchi: | 475 m ü. M. | |
| Flächi: | 3,10 km² | |
| Iiwohner: | 535 (31. Dezämber 2012) | |
_120.JPG) Blick uf Heinrichswiu-Winischdorf | ||
| Charte | ||
| ||
Heinrichswiu-Winischdorf (amtlich Heinrichswil-Winistorf) isch bis Endi 2012 e Iiwohnergmein im Bezirk Wasseramt im Kanton Soledurn, Schwiiz gsi.
Geografi
[ändere | Quälltäxt bearbeite]Heinrichswiu-Winischdorf isch us de drei Ortsteil Heinrichswiu, 478 m ü. M., am Nordrand vor Tauebeni vom Chrümubachs, Winischdorf, 473 m ü. M., ir Tauebeni vom Chrümubach u Mösli, 470 m ü. M., am Südrand vom Aegertewaed im Tau vom Chrümubach bestande. D Gmeindsflächi isch us 52,3 % langwirtschaftlichi Flächi, 41,6 % Waud u 6,1 % Sidligsflächi bestande.
Nochbergmeine si Rächerswiu, Haute, Hersiwiu un Ääschi im Kanton Soledurn u Seeberg, Hellsau, Höchstette u Willadinge im Kanton Bärn gsi.
Gschicht
[ändere | Quälltäxt bearbeite]Heinrichswiu isch zum erschte Mou gnennt worde im Johr 1317 im Name Cristan von Heinrichswile, Winischdorf im Johr 1311 aus Winistorf (1345 Wingisdorf, 1464 Windenstorf, 1505 Wundistorff, 1531 Winnistorff).
Vor 1798 het Heinrichswiu mit Hersiwiu e Doppugmeind biudet. Deno hei die beide mit Winischdorf d Dreihofgmeind Heinrichswil-Hersiwil-Winistorf biudet. Im Johr 1854 si die drei Gmeinde politisch eigeständig Gmeinde worde. Zum 1. Jänner 1993 hei Heinrichswiu u Winischdorf zur Gmeind Heinrichswil-Winistorf fusioniert u sit Aafangs 2013 ghörts mit Hersiwiu zäme zur nöie Gmeind Drei Hööf.
Bevöukerig
[ändere | Quälltäxt bearbeite]Quälle: Bundesamt für Statistik 2005[1]
| Johr | 1850 | 1860 | 1870 | 1880 | 1888 | 1900 | 1910 | 1920 |
| Iiwohner | 229 | 245 | 288 | 221 | 221 | 231 | 235 | 252 |
| Johr | 1930 | 1941 | 1950 | 1960 | 1970 | 1980 | 1990 | 2000 |
| Iiwohner | 253 | 249 | 262 | 310 | 285 | 320 | 410 | 528 |
De Uusländeraateil isch 2010 bi 4,3 % gläge.[2]
Religion
[ändere | Quälltäxt bearbeite]48,5 % vo dr Iiwooner si im Johr 2000 evangelisch-reformiert gsii, 33,3 % römisch-katholisch.[2]
Politik
[ändere | Quälltäxt bearbeite]Bi dr Nationalrootswaale 2011 hät s das Ergebnis gää:[2] BDP 5,4 %, CVP 10,7 %, EDU 3,2 %, EVP 0,2 %, FDP 11,6 %. GLP 5,7 %, GP 6,7 %, SP 16,9 %, SVP 38,2 %, Suschtigi 1,6 %.
Gmeindspresidänt isch dr Rolf Gerber (Stand 2012) gsi.
Wirtschaft
[ändere | Quälltäxt bearbeite]D Arbetslosigkeit isch im Johr 2011 bi 1,8 % gläge.[2]
Sproch u Dialäkt
[ändere | Quälltäxt bearbeite]Bi dr Voukszellig 2000 hei vo dr 528 Iiwohner 97,7 % Dütsch aus Hauptsproch aagää, 0,2 % Französisch, 0,4 % Italienisch un 1,7 % angeri Sproche.[2]
Dr hochalemannisch Dialäkt vo Heinrichswiu-Winischdorf ghört zue dr Dialäkt vo dr Region Soledurn, wo ähnlich si zum Bärndütsch.
Weblink
[ändere | Quälltäxt bearbeite]
Commons: Heinrichswil-Winistorf – Sammlig vo Multimediadateie- Othmar Noser: Heinrichswil. In: Historisches Lexikon vo dr Schwiiz.
- Urs Zurschmiede: Winistorf. In: Historisches Lexikon vo dr Schwiiz.
Fuessnoote
[ändere | Quälltäxt bearbeite]- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
- ↑ 2,0 2,1 2,2 2,3 2,4 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
