Flowil

Us der alemannische Wikipedia, der freie Dialäkt-Enzyklopedy
Flowil
Wappe vo Flowil
Wappe vo Flowil
Basisdate
Staat: Schwiiz
Kanton: St. Galle (SG)
Wahlchrais: Wahlkreis Wilw
BFS-Nr.: 3402i1f3f4
Poschtleitzahl: 9230
UN/LOCODE: CH FLW
Koordinate: 732913 / 253253Koordinate: 47° 25′ 0″ N, 9° 12′ 0″ O; CH1903: 732913 / 253253
Höchi: 610 m ü. M.
Flächi: 11,51 km²
Iiwohner: i10'444 (31. Dezämber 2021)[1]
Website: www.flawil.ch
d Bahnhofstross
d Bahnhofstross

d Bahnhofstross

Charte
Charte vo FlowilBettenauer WeiherStadtweier (SG)Hauptwiler WeierRüütiweierHoorbacher WeierHorberweierBildweierGübsenseeKanton Appezäll UsseroodeKanton ThurgauWaalchrais Sanggalle)Waalchrais Toggeborg)Kanton ZöriBronschhofeDägerscheDägerscheFlowilJonschwilNiderbüüreNiderhälfeschwilOberbüüreOberuzwilUzwilWiilZuezwil
Charte vo Flowil
w

Flowil (Gsw-ostschwiizerisch-Flawil.ogg [ˈflɑˌʋɪl]) isch ä politeschi Gmaind zwüsched Sanggale und Wil im Kanton Sanggale i de Schwiz. Zo Floowil ghööred under anderem d Wiiller Borgau ond Oberglatt.

Gschicht[ändere | Quälltäxt bearbeite]

Ursprünglich isch d Burgau s Zentrum gsi. Us verchehrstechnische Gründ het denn aber Flowil afange waxe, und Burgau het a Bedütig verlore. Im Mittelalter isch d Vogtai Floowil under de Giele vo Glattburg gstande, wo ires Recht ane 1486 an Apt vo Sanggale verchauft hend. S hüttige Gmaindswoppe isch da vo de Giele vo Glattburg gsii.

Geografii[ändere | Quälltäxt bearbeite]

Flowil lit im Ondertoggeborg, zwüsche Wil und Sanggale, quasi a de Grenze zwüsched em Flachland und de Hügel vo de Voralpe. Es lit a de Oscht-Wescht-Hauptverchersax vo de Schwiz wo vo Sanggale noch Gemf got. Im übrige gönt Verchehrsverbindige noch Süde richtig Tegersche und gege Südwescht, zum Toggeburg ewegg. S Rindl verbindet Floowiil mit Lütischborg.

D Ortschaft[ändere | Quälltäxt bearbeite]

Di ganz Ortschaft isch sehr langzoche, entlang vo de Hauptverchersaxe zwüsche Sanggale und Wil, bezihigswis Züri. Das het au mit de Hügel ztue, uf de Nordsite isch de Ruehberg und uf de Südsite de Botsberg und de Schtocke. Z Flowil hez zwai markanti Chilene, di katolisch Chile bim Spitol und di reformirti im Feld usse. D Toggi Chrüzig isch so ungfähr s Zentrum, döt chömed d Bahnhofschtross, d Wilerschtross, d Sanggalerschtross und d Maggenauerschtross zeme. De Marktplaz mit em Fürwehrdepo isch gad nöch nebetra, de Bahnhof isch au nöd wit, und es paar grösseri Hotel und Reschtarand sind rund ume. Vil Gschäft sind a de Bahnhofschtross oder a de Wilerschtross entlang. Witeri markanti Pläz und Chrüzige im sind de Bäreplaz, d Mattioli Chrüzig und de Engel. Am Dorfusgang vo de Maggenauerschtross isch d Ritthale und de Tschupplaz.

Infraschtruktur[ändere | Quälltäxt bearbeite]

Flowil het kain Aschluss a d Autobahn A1 wells so nöch isch bi Gossau und Uzwil, und voralem wells us geografische Gründ eifacher gsi isch d Autobahn witer im Norde durezfüehre. Flowil het aber recht gueti Zugverbindige uf Züri und uf Sanggale wel d Intercity haltet. Z Flowil hez e schöni Badi, si isch guet verschteckt, usserhalb vom Dorf, wemer gege Tegersche fahrt. D Flowiler hend es aiges Spitol. Es isch ene so wichtig, dass heftig proteschtiert hend wos het sölle zue gmacht werde.

Wirtschaft[ändere | Quälltäxt bearbeite]

De gröscht Arbaigeber im Dorf isch s Spitol, vor de Firma Büechi. Anderi grossi Bude sind Kochheer und d Flawa. Viel früener isch d Habis emol gross gsi. Vil Lüt, wo im Dorf lebed schaffet an anderne Ort i de Region Wil–Sanggale, oder pendlet au bis uf Züri abe. Flowil het en aigeni Zitig, de 'Volkfründ', mengmol seget em d Flowiler zum Spass de 'Volksfind'.

Bevölkerigsentwicklig
Johr 1837 1850 1890 1900 1950
Iiwohnerzahl 2233 2664 4878 4873 6502
Johr 2000 2010 2012 2014 2016
Iiwohnerzahl 9320 9971 10150 10345 10505

Politik[ändere | Quälltäxt bearbeite]

Bi de Kantonsrotswahle am 14. März 2004 hets di folgende Resultat geh:

Bildig[ändere | Quälltäxt bearbeite]

Flowil het mehreri Primarschuelhüser: s Enzebüel, de Vorder Grund und de Hinder Grund, Feld und Botsberg. Zuedem hez es Oberschtufezentrum im Feld usse und e hailpedagogischi Schuel. Für d Kanti gönd d Flowiler uf Sanggale oder uf Wil, oder an Fridberg uf Gossau.

Sport[ändere | Quälltäxt bearbeite]

Z Flowil hez einigi Sportklüb: under anderem de FC Flowil, de HC Flowil und de TC Flowil. Es hät nöd nu e Fraibaad, es hät au e Gokart-Rennbahn.

Kultur[ändere | Quälltäxt bearbeite]

D Harmonimusig macht jedes Johr es grosses Konzert. Im übrige tretet si a verschidene Aless uf und wird ab und zue gruefe wenns näbis Grosses z fiire git. De Gospelchor isch i de letschte Johre au sehr aktiv gsi. De Kulturverein Touch organisiert regelmessig kulturelli Aless.

Fasnacht isch amel e wichtige Sach z Flowil, und es git mehreri Guggemusige, eini vo de bekanntischte sind d Wyssbachgaischter. A de Fasnacht gits amix en spezielle Pris für de Flowiler oder d Flowileri wo de luschtigscht Chaib botte het im vergangene Johr. De Pris haist 'Chratzbörschte' und de Volksfründ git denn amel extra e Fasnachtzytig use.

De Böögg wird amel am End vom Winter im Waideggperkli azündt zum de Winter verjage.

Bilder[ändere | Quälltäxt bearbeite]

Externi Sitene[ändere | Quälltäxt bearbeite]

 Commons: Flowil – Sammlig vo Multimediadateie

Fuessnote[ändere | Quälltäxt bearbeite]

  1. Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 13. März 2023