Tëgersche SG

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
S SG im Lemma isch s offiziell Chürzel vom Kanton Sanggalle und wird bruucht, zum Verwächslige mit Yträäg vom Name Tegersche vermyde, wo öppis anders meined.
Degersheim
Wappe vo Degersheim
Basisdate
Staat: Schwiiz
Kanton: St. Galle (SG)
Wahlchrais: Wilw
BFS-Nr.: 3401i1f3f4
Poschtleitzahl: 9113
UN/LOCODE: CH DGS
Koordinate: 732766 / 24834947.37269.1966800Koordinaten: 47° 22′ 21″ N, 9° 11′ 48″ O; CH1903: 732766 / 248349
Höchi: 800 m ü. M.
Flächi: 14,48 km²
Iiwohner: 4038 (31. Dezämber 2017)[1]
Website: www.degersheim.ch
Degersheim SG

Degersheim SG

Charte
Bettenauer WeiherStadtweier (SG)Hauptwiler WeierRüütiweierHoorbacher WeierHorberweierBildweierGübsenseeKanton Appezäll UsseroodeKanton ThurgauWaalchrais Sanggalle)Waalchrais Toggeborg)Kanton ZöriBronschhofeDägerscheDägerscheFlowilJonschwilNiderbüüreNiderhälfeschwilOberbüüreOberuzwilUzwilWiilZuezwilCharte vo Degersheim
Iber des Bild
w

Tëgersche (IPA: [ˈtɛg̊ərʃːə]) isch e Gmaind im Undertoggeburg im Kantoo Sanggale und ghört politisch zum Wahlchrais Wiil.

Name[ändere | Quälltäxt bearbeite]

De offiziell Name Degersheim isch e falschi verhochdütschig vom iihaimische Name Tëgersche (837: Tegerasgai "Grosse Eschewald") und het nie die fränkisch Ortsnameendig -heim ghaa. Bis 1806 het d Gmaind no dr Name Tegerschen trait. Us dem Grund werd im Woppe vo Tegersche au e geeli Esche uf schwarzem Grund abbildet. Di recht Hälfti vom Woppe zaigt degege e schwarzes Chrütz uf geelem Grund; da Chrütz isch vom Sigel vo de Ammane vo Tegersche öbernoo wore. D Farbe gääl und schwarz sind vom toggeborger Woppe öbernoo wore.

Tëgersche im Winter

Geografii[ändere | Quälltäxt bearbeite]

Zu de Gmaind ghöret s Dörfli Wolfertschwil und de Wyler Maggenau mit de Zisterzienserinne-Abtai Maggenau. De högschti Punkt isch bi de Tegersche Exklave Obergampe, wo uf 1'061 m ü. M. liit. D Gmaind grenzt a Oberuzwil, Floowil, Herisau, Schwellbronn, Neckertal und Lütischborg.

Bevölkerig[ändere | Quälltäxt bearbeite]

D Bevölkerig hät früener vorallem vo de Landwertschaft und Holzverarbaitig, e wiili lang au vo de Stickerai, gläbt. Hüt gits näbet de Land- und Forschtwertschaft au e chli Industrii. D Gmaind hät Endi 2005 öpa 3830 Iiwohner zelt, devo sind 647 Uslender, 43% katolisch und 34% reformiert gsi.

S Chloster Maggenau - rächts hinde d Verena-Kapelle

Sehenswördigkaite[ändere | Quälltäxt bearbeite]

Do wär emol di reformiert und di katolisch Cherche im Dorf Tegersche, di katolisch Cherche z Wolfertschwil und bim Chloster Maggenau d Verena-Kapelle. Si hät Grundmuure, wo us em 12./13. Joorhunder sind und si stoht, wie au s Chloster sälber, under Dänkmolschutz.

Bilder[ändere | Quälltäxt bearbeite]

Weblink[ändere | Quälltäxt bearbeite]

 Commons: Tegersche – Sammlig vo Multimediadateie

Fuessnote[ändere | Quälltäxt bearbeite]

  1. Ständige und nichtständige Wohnbevölkerung nach Jahr, Kanton, Bezirk, Gemeinde, Bevölkerungstyp und Geschlecht (Ständige Wohnbevölkerung). In: bfs.admin.ch. Bundesamt für Statistik (BFS), 2018-08-31. Abgrüeft am 2018-09-30.