Oskar Saier

Us der alemannische Wikipedia, der freie Dialäkt-Enzyklopedy
Dialäkt: Friburgerisch (eltere Stadtdialekt)
Neijohrsempfang vum Erzbischof Oskar Saier (rächts), 1989

De Oskar Saier (* 12. Augschte 1932 z Wagesteig bi Friburg im Brisgau; † 3. Jänner 2008 z Friburg) isch vu 1978 bis 2002 dr 13. Erzbischof vum Erzbischtum Friburg gsii.

Lewe[ändere | Quälltäxt bearbeite]

De Suhn vum Vogtshofbuur Adolf Saier us em Wagesteig im Schwarzwald isch anne 1946 uf d Heimschuel Lender z Saschbach bi Achere gange. No de Schuel het de Saier z Friburg un z Dibenge Theologi un Philosophi studiert. Am 2. Juni 1957 het er d Prieschterweih bikumme un isch deno Kaplan z Friburg un z Mosbach gsii. Anne 1970 isch de Saier mit de Arwet „Communio“ in der Lehre des Zweiten Vatikanischen Konzils an de theologische Fakultet vu de Ludwig-Maximilians-Universität Minche bim Klaus Mörsdorf zum Doktor vum kanonischen Recht promoviert wore. Vu 1970 bis 1977 isch er Regens vum Prieschterseminar z St. Peter gsii.

Am 7. April 1972 isch er vum Papscht Paul VI. zum Titularbischof vu Rubicon un zum Weihbischof z Friburg ernennt wore. D Bischofsweih het em am 29. Juni 1972 de Friburger Erzbischof Hermann Schäufele gspendet, Mitkonsekratore sin de Karl Gnädinger, Weihbischof z Friburg un de Georg Moser, Bischof vu Raoteburg gsii. Em Saier sin Wahlspruch isch In vinculo communionis (Im Band vu de Gmeinschaft) gsii.

No sinre Wahl dur s Domkapitel vu Friburg het de Papst Paul VI. de Oskar Saier am 15. März 1978 zum Erzbischof vu Friburg un Metropolit vu de Owerrhinische Kilcheprovinz ernennt. Am 3. Mai 1978 isch er mit ere Fiir in sin Amt iigfiertwore. Im nämlige Johr het s in de Stadt e Großereignis gee, de 85. Ditsch Katholikedag, wu vum 13. bis zum 17. September 1978 unter eme Leitwort no Jeremia, „Ich will eich Zuekumft un Hoffnig gee“, stattgfunde.

Am 1. Juli 2002 het de Papscht Johannes Paul II. s Ruckdrittsgsuech vum Saier aagnumme, wu no mehrere Operatione us gsundheitlige Grind uf s Amt verzichtet het. Am 3. Jänner 2008 isch de Oskar Saier noch ere schwere Krebskranket im Alter vu 75 Johr gstorwe. De Saier isch am 10. Jänner 2008 in de Bischofsgruft im Friburger Minschter beigsetzt wore.

Wirke[ändere | Quälltäxt bearbeite]

In de Ditsche Bischofskumferenz isch de Saier langi Zitt stellverdrettende Vorsitzer un President vu de Paschtoralkommission gsii. In sinre Amtszitt isch er dur sini Haltig gege Abdriiwig bekannt wore. Anne 1982 het er zämme mit de Bischef vu Basel un Stroßburi di „stark Inanspruchnahm“ vu de Landschaft dur Kernkraftwerch kritisiert mit de gmeinsame Erklärig „Das Verhalten des Christen im Konflikt um die Kernenergie“. Fir Uufsehne het anne 1993 e Hirtebrief zur „Pastoral mit Geschiedenen und wiederverheirateten Geschiedenen“ gsorgt. Dodin isch de Saier mit de beide andere Bischef vu de Owerrhinische Kilcheprovinz, em Mainzer Bischof Karl Lehmann un em Bischof vu Raoteburg-Stuegert Walter Kasper defir iidrette, dass gschideni, wider ghiroteni Katholike noch ere ernschte Priefig vum Gwisse wider zue de Eucharisti zueglosse were.[1]

Anne 1986 het er zämme mit em Kardinal Juan Landázuri Ricketts vu Lima d Partnerschaft vum Erzbischtum Friburg mit de Kilche z Peru begrindet, wu bis hite 150 Gmeine un Verbänd mitenander verbindet.[2]

Ehrige un Uuszeichnige[ändere | Quälltäxt bearbeite]

  • Ehreburger vu sinre Heimetgmei Buechebach
  • Ehreburger vu St. Peter
  • Ehreburger vu Bethlehem
  • Orde El Sol del Perú, Peru (1990)
  • Ehremitglid vu de Peruanische Bischofskumferenz
  • Groß Bundesverdienschtkriz vum Verdienschtorde vu de Bundesrepublik Ditschland (1992)
  • Verdienschtmedaille vum Land Bade-Wirtteberg (1997)
  • Groß Bundesverdienschtkriz mit Stern vum Verdienschtorde vu de Bundesrepublik Ditschland (2002)
  • Ehredoktorwird vu de Theologische Fakultät vu de Albert-Ludwigs-Universität Friburg (2002)
  • Medalla de Oro de Santo Toribio de Mogrovejo (Peru, 2002)
  • Ehresenator vu de Albert-Ludwigs-Universität Friburg (2003)

Literatur[ändere | Quälltäxt bearbeite]

  • Christoph Schmider: Die Freiburger Bischöfe: 175 Jahre Erzbistum Freiburg. Eine Geschichte in Lebensbildern. Herder Verlag, Freiburg i. Br. 2002, ISBN 3-451-27847-2.

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. „Alterzbischof Saier tot“ (Site cha nüme abgrüeft wärde; Suche im Webarchiv)[1] [2] Vorlage:Toter Link/www.oecumene.radiovaticana.org, Radio Vatikan, 4. Jänner 2008
  2. „Trauer um Oskar Saier“, news-aus-baden.de, 4. Jänner 2008


Dä Artikel basiert uff ere fräie Übersetzig vu dere Version vum Artikel „Oskar_Saier“ vu de dütsche Wikipedia. E Liste vu de Autore un Versione isch do z finde.