Nesslau SG
| S SG im Lemma isch s offiziell Chürzel vom Kanton Sanggalle und wird bruucht, zum Verwächslige mit Yträäg vom Name Nesslau vermyde, wo öppis anders meined. |
| Nesslau | |
|---|---|
 | |
| Basisdate | |
| Staat: | Schwiiz |
| Kanton: | St. Galle (SG) |
| Wahlchrais: | Toggeborg |
| BFS-Nr.: | 3360 |
| Poschtleitzahl: | 9643 Krummenau 9650 Dicken (Nesslau) 9650 Nesslau 9651 Ennetbühl 9651 Rietbad 9652 Neu St. Johann 9655 Stein SG |
| UN/LOCODE: | CH NES (Nesslau) |
| Koordinate: | 733391 / 231949 |
| Höchi: | 759 m ü. M. |
| Flächi: | 98,87 km² |
| Iiwohner: | 3733 (31. Dezämber 2022)[1] |
| Website: | www.nesslau.ch |
 S Dorf Nesslau | |
| Charte | |
 | |
Nesslau isch e politeschi Gmaind im Waalchrais Toggeborg vom Kanton Sangalle i de Schwiz.
Gschicht
[ändere | Quälltäxt bearbeite]S Dorf Nesslau isch bis Endi 2004 e sälbständigi Gmaind gsi und hät uf Aafang 2005 mit de Gmaind Chrummenau zu de politische Gmaind Nesslau-Chrummenau fusioniert. Am 1. Januar 2013 isch dänn no d Gmaind Stei dezue cho. Di nöi Gmaind, wo wider Nesslau haisst, isch dur di betroffne Gmaindsversammlige bschlosse und vom Kanton Sangalle gnemiget worde, und au de Bund hät zum nöie Name sin Säge ggää.[2]
Geografii
[ändere | Quälltäxt bearbeite]D Gmaind Nesslau lit im Toggeborg und werd vo de Thur dorflosse. Nochbergmainde sind: Ebnat-Kappel, Hemberg, Urnäsch, Hondwil, Wildhuus-Alt Santihann, Amde und trifft uf em Speer obe spitzig uf d Gmeind Schänis.
Ortstail
[ändere | Quälltäxt bearbeite]Wäme vo Wattwil de Thur no doruf fahrt chonnt zerscht Chrummenau, wo s en Bahof und en Schiilift i d Wolzealp ufi git.
Dänn chonnt Nöi Sankt Johann, wo s Johanneum isch, e Heim ime ehemolige Chloster. I däm Dorf zwigt d Strooss nordwärts i d Schwägalp ufi ab. A däre Strecki liit Ennetbüel und de Wiiler Rietbaad.
Praktisch zämmegwachse mit Nöi Sankt Johann isch s Dorf Nesslau, wo de Sackbahof vo de Südostbahn isch und d Postauto i verschideni Richtige Aaschlüss gwärleistid. Dicke isch de östlichscht Teil vom Sidligsgebiet Nesslau-Nöi Sankt Johann.
De Thur no doruf i Richtig Wildhuus chunnt dänn no s Dorf Stai, wo 1947 en groosse Brand gwüeted hät.
Gschicht
[ändere | Quälltäxt bearbeite]Öber d Gschicht vo de Dörfer, wo zum Gebiet vo de politische Gmeind Nesslau ghöred, isch im Artikel Nesslau-Chrummenau öpe näbis gschrebe worde.
Lüt
[ändere | Quälltäxt bearbeite]- Seth Abderhalden (1926–1960), en Bärgstiiger und Extremchlätterer
- Jörg Abderhalden (* 1979), en dreifache Schwingerkönig
- Herbert Cerutti (* 1943), en Journalischt, Schriftsteller und freischaffende Publizischt
- Simone Kuhn (* 1980), e Beachvolleyballspileri
Bilder
[ändere | Quälltäxt bearbeite]
s Dorf Chrummenau
d Chlostercherche z Nöi Sankt Johann
di reformiert Cherche vo Nesslau
d Ennätbüeler Cherche
s Dorf Stai
Weblink
[ändere | Quälltäxt bearbeite]
- d Website vo de politische Gmaind Nesslau
- d Website vo de Schuelgmeind Nesslau
- Hans Büchler: Krummenau.. In: Historisches Lexikon vo dr Schwiiz.
- Hans Büchler: Nesslau.. In: Historisches Lexikon vo dr Schwiiz.
- Hans Büchler: Stein (SG).. In: Historisches Lexikon vo dr Schwiiz.
Fuessnoote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Gemeindenamensänderung im Gebietsstand des Kantons St. Gallen: Gemeinde Nesslau (Memento vom 19. Septämber 2016 im Internet Archive) uf admin.ch
