Hengschdedd

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen


Wappa Deitschlandkart
Wappa vo de Gmoed Althengstett
Althengstett
Deutschlandkarte, Position vo de Gmoed Althengstett hervorghobe
48.7233333333338.7938888888889505Koordinaten: 48° 43′ N, 8° 48′ O
Basisdata
Bundesland: Bade-Wirttebärg
Regierongsbezirk: Karlsrua
Landkroes: Calb
Heh: 505 m i. NHN
Fläch: 19,2 km²
Eiwohner:

7898 (31. Dez. 2017)[1]

Bevelkerongsdicht: 412 Eiwohner je km²
Boschtloetzahl: 75382
Vorwahl: 07051
Kfz-Kennzoeche: CW
Gmoedsschlissel: 08 2 35 007
Adress vo dr
Gmoedsverwaltong:
Simmozheimer Str. 16
75382 Althengstett
Webpräsenz: www.althengstett.de
Birgermoeschter: Clemens Götz
Lag vo de Gmoed Althengstett em Landkroes Calb
OstelsheimEnzkreisLandkreis KarlsruheLandkreis KarlsruheLandkreis BöblingenLandkreis TübingenLandkreis RastattLandkreis FreudenstadtPforzheimBad HerrenalbDobelHöfen an der EnzUnterreichenbachSchömberg (Landkreis Calw)Oberreichenbach (Schwarzwald)Bad LiebenzellAlthengstettCalwBad Teinach-ZavelsteinBad WildbadEnzklösterleNeuweilerSimmersfeldAltensteigRohrdorf (Landkreis Calw)EgenhausenHaiterbachNagold (Stadt)Wildberg (Schwarzwald)EbhausenNeubulachGechingenOstelsheimSimmozheimSimmozheimKarte
Iber des Bild
Dialäkt: Schwäbisch

Hengschdedd ['heŋʃded] (amdlich Althengstett) isch a Gmaende em Landgraes Calb en Bada-Wirddabärg. Zo Hengschdedd ghaered dia drei Flägga Aldhengschdedd, Nuihengschded ond Oddabronn.

Geografi[ändere | Quälltäxt bearbeite]

Bligg uff Aldhendsdedd
D hisdorischa Waldensorkirch en Nuihengsdedd, lenggs dornäabed d Ordsdåelvoraldong

Hengschdedd leid enn-ra bråeda Daalfleche, zwischa leichde Hiigl, em Ibergang vom Heggagae zom Nordschwarzwald. D Nåchborgmaendena vo Hengschdedd send Bad Liabazäll, Calb, Gächeng, Oschdlsa ond Semmorza.

D Gmarkong sezzd sich zsẽma aus 42,4 % landwirdschafdlichor Fleche, 36,5 % Wald, 19,3 % Siidlongsfleche ond 1,8 % sonsdichor Fleche.

Gschiichd[ändere | Quälltäxt bearbeite]

D aersda Erweenong vo (Ald-)Hengschdedd sdammd vo 1120, aus-ra Urkunde vom Klosdor Hirsao. Seid 1303 ghaered Aldhengsdedd ond Oddabronn zo Wirddabärg. Nuihengschdedd isch dor jengsd Ordsdåel, ǎnna 1699 vo Waldensor ãglegd. Die send dåmåls em Herzogtum Wirddabärg uffgnomma wårda. Am Ãfang hend-se irn Flägga no "Le Bourcet" ghåesa, 1711 isch-or aber en Nuihengsdedd omdaefd wårda. Zor gleicha Zeid hådd s seidhäriche "Hengsdedd" dor Nãma "Aldhengsdedd" griagd. Am 1. Oktobor 1974 send dia bis dånã sälbsdendiche Gmaendena Nuihengsdedd ond Oddabronn zo Aldhengsdedd aegmaended wårda.

Wirdschafd ond Vorkehr[ändere | Quälltäxt bearbeite]

Hengsdedd hådd a graesors Gwärbegebiid diräggd an dor B295 ond sdåd dådurch finanziäll guad då. Vo Ald- ond Nuihengsdedd kommd-mor mid-m Audo en guad faef Menudda en-d Graessdadd Calb. Ogfär 20 Menudda brauchd-s nåch Bebleng ond Sendlfeng. Wäaga de viile graose Firmena dord isch Hengsdedd a Zuazugsgebiid mid viile Auspendlor dordnã wårda. Guad 10 Menudda send-s nåch Weil dor Sdadd; dord geid-s mit dor S6 on S-Bå-Ãschluss nåch Sduagord; d S-Bā brauchd abor 38 Menudda bis ens Zendrom vo Sduagord. Bis 2020 (Sdand 2018) soll d Eisabãlinie Weil dor Sdadd - Calb, 1983 aegsdelld, ondorm Nãma "Hermann-Hesse-Bahn" widor uffgmachd wärda.

Kuldur[ändere | Quälltäxt bearbeite]

En älle drei Ordsdåel geid-s Kendorgäarda ein ausraechendor Zaal, ond jeweils ao a Grondschual. Em Ordsdåel Aldhengsdedd geid-s dorzuanå a graesors Schualzendrum mid Gmaenschafdsschual ond Realschual fir älle Gmaendena vom Vorwaldongsvorband. Zom Dåel ganged ao Schialor vo Calb-Haemada ond Calb-Sdammhaem dordnã. Uff-s Gymansiom gåd-mor nåch Calb-Sdammheam. Älle drei Ordsdåel hend a åegena evangelischa Kirch. D Katholigga ghaered zur katholischa Kirch en Calb-Haemada.

Verwaldong ond Wahla[ändere | Quälltäxt bearbeite]

Hengschdedd hådd sich mid Gächeng, Oschdlsa ond Semmerza zom Gmaendevorwaldongsvorband „Althengstett“ mit Sizz en Hengschdedd zsẽmagschlossa. Ennorhalb vom Graes Calb håesd-mor dia Flägga "Gaegmaendena".

Birgermåesdor vo Hengschdedd isch dor Clemens Götz.

Wahla[ändere | Quälltäxt bearbeite]

Ergäbnis vo de Landdagswahla seid 2006:[2]

Johr CDU Gräane SPD FDP Lennge1 AfD Sonschtiche
2016 30 % 27,7 % 11,8 % 8,1 % 1,9 % 17,4 % 3,1 %
2011 40,4 % 21,3 % 21 % 9,3 % 1,9 % 6 %
2006 37,9 % 21,3 % 21,6 % 9,5 % 3,5 % 6,1 %

1 2006: WASG, seid 2011: Die Linke

Was d Kommunalwahla ãbedriffd, hådd-mor 2017 d õächda Dåelsordswahl aagschaffd, dui må seid de Aegmaendonga 1974 golda hådd. S ganze Gmaendegebiid isch jezzd a aehaedlichs Wahlgebiid.

Dialäggd[ändere | Quälltäxt bearbeite]

Dor Dialäggd vo Hengschdedd ghaerd zom Middlschwäbischa. Dromrom hådd-s dåelweis ao scho wäsdschwäbische Flägga[3]. Dia faene Dialäggd-Ondorschiid vorwisched sich aber scho seid Längorem.

Weblink[ändere | Quälltäxt bearbeite]

 Commons: Althengstett – Sammlig vo Multimediadateie

Fuasnooda[ändere | Quälltäxt bearbeite]

  1. Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2017 (CSV-Datei) (Hilfe dazu).
  2. Statistisches Landesamt Baden-Württemberg: Landtagswahl
  3. Die Mundarten Württembergs, Eine heimatkindliche Sprachlehre, Silberburg-Verlag 1928, (in der Reihe: Schwäbische Volkskunde, im Auftrag des württembergischen Kultministeriums herausgeg. v. August Lämmle)