Numa Droz

Dialäkt: Züridütsch (See)

Droz

De Numa Droz (* 27. Januar 1844 z La Chaux-de-Fonds; † 15. Dezember 1899 z Bern), vo La Chaux-de-Fonds, isch en Schwiizer Politiker (FDP) gsii.

Nach Abschluss vo dr Volksschuel hät er e Lehr als Graveur aagfange, hät i siinere Freiziit di alte Schprache schtudiert, isch 1860 Lehrer anere Pension worde, 1864 Redakter vom National Suisse in La Chaux-de-Fonds worde, 1869 Abgeordnete im Grosse Rat vom Kanton, 1871 Mitgliid vom Schtaatsrat und Erziehigsdirekter und 1872 Abgeordnete vo Neueburg im Schtänderat, wo ihn 1875 zu siim Präsident gwählt hät, worauf ihn d Bundesversammlig no i der gliiche Session am 18. Dezember in Bundesrat beruefe hät.

Am 31. Dezember 1892 hät er siis Amt übergeeh, nachdem er am 18. Dezember siin Rücktritt erchlärt hät. Während siinere Amtsziit isch er de folgende Departement vorgschtande:

• 1876-1878: Departement vom Innere
• 1879-1880: Handels- und Landwirtschaftsdepartement
• 1881: Politischs Departement
• 1882-1886: Handels- und Landwirtschaftsdepartement
• 1887: Politischs Departement
• 1888-1892: Departement vom Üssere

Er isch Bundespräsident gsii i de Jahre 1881 und 1887 und Vizepräsident im Jahr 1886.

Literatur

• Paul Widmer, Schweizer Aussenpolitik und Diplomatie von Pictet de Rochemont bis Edouard Brunner. Zürich, ISBN 978-3-03823-632-0 (2. nachgeführte Auflage 2014)
• Jean-Marc Barrelet: Numa Droz. In: Urs Altermatt (Hrsg.): Die Schweizer Bundesräte. Ein biographisches Lexikon. 2. Auflage. Artemis Verlag, Zürich/München 1991, ISBN 3-7608-0702-X, S. 218–223. 

Weblink

• Éric-André Klauser: Droz, Numa. In: Historisches Lexikon vo dr Schwiiz.

Vorgänger Paul Cérésole

Mitgliid im Schwiizer Bundesrat 1876-1892

Nochfolger Adrien Lachenal

Dä Artikel basiert uff ere fräie Übersetzig vum Artikel „Numa_Droz“ vu de dütsche Wikipedia. E Liste vu de Autore un Versione isch do z finde.