Eidgenössischs Departement für Wirtschaft, Bildig und Forschig

Eidgenössischs Departement für
Wirtschaft, Bildig und Forschig (WBF)

Hauptsitz	Bärn, Bundeshuus Oscht
Vorsteher	Guy Parmelin, Bundesrot
Zahl vo de Mitarbeiter	2800
Ufsicht	Bundesrot
Untergeordneti Ämter	Generalsekretariat Staatssekretariat für Wirtschaft Bundesamt für Berufsbildig und Technologii Bundesamt für Landwirtschaft Bundesamt für Veterinärwäse Bundesamt für wirtschaftligi Landesversorgig Bundesamt für Wohnigswäse
Website	www.wbf.admin.ch

Dialäkt: Züridütsch (See)

S Eidgenössische Departement für Wirtschaft, Bildig und Forschig (WBF) isch eis vo de sibe Departement i dr Schwiiz. Jewiils eine vo de Bundesrät schtaht em Departement vor.

Arbetsplätz, Bruefsbildig, Wirtschaftswachstum: Meeh als zweituusig Mitarbeiterinnen und Mitarbeiter sorged im Eidgenössische Departement für Wirtschaft, Bildig und Forschig für optimali Rahmebedingige für Arbetgeber und Undernehmer, für s Gwerb, für chliini und mittleri Betrieb, aber au für multinationali Grossundernehme. S Departement schtüüret und begleitet di wirtschaftspolitische Entscheid und d Umsetzig vo dene. Es underschtützt e Politik, wo d Uusgangslaag für de Wirtschafts- und Forschigsschtandort Schwiiz im globale Wettbewerb verbesseret.

Am Aafang vom Bundesschtaat hät s Departement Handels- und Zolldepartement gheisse. Es isch sitdem mehrmals umbenännt worde. Di bisherige Näme sind gsii:

• 1848-1872: Handels- und Zolldepartement
• 1873-1878: Iisebahn- und Handelsdepartement
• 1879-1887: Handels- und Landwirtschaftsdepartement
• 1888-1895: Induchstrie- und Landwirtschaftsdepartement
• 1896-1914: Handels-, Induschtrie- und Landwirtschaftsdepartement
• 1915-1978: Volkswirtschaftsdepartement
• 1979–2012: Eidgenössischs Volkswirtschaftsdepartement
• ab 2013: Eidgenössischs Departement für Wirtschaft, Bildig und Forschig

Uufgabebereich

• Wirtschaftspolitik
• Bruefsbildig und Technologie
• Landwirtschaft
• Veterinärwese
• Wirtschaftlichi Landesversorgig
• Wohnigswese
• Zivildienscht

Departementsvorschteher

1848-1853: Friedrich Frey-Herosé 1854: Wilhelm Matthias Naeff 1855: Martin J. Munzinger 1855-1856: Constant Fornerod 1857: Melchior Josef Martin Knüsel 1858: Constant Fornerod 1859-1860: Melchior Josef Martin Knüsel 1861-1866: Friedrich Frey-Herosé 1867-1873: Wilhelm Matthias Naeff 1873-1874: Johann Jakob Scherer 1875-1877: Karl Schenk 1878: Joachim Heer

1879-1880: Numa Droz 1881: Antoine Louis John Ruchonnet 1882-1886: Numa Droz 1887-1896: Adolf Deucher 1897: Adrien Lachenal 1898-1902: Adolf Deucher 1903: Ludwig Forrer 1904-1908: Adolf Deucher 1909: Josef Anton Schobinger 1910-1912: Adolf Deucher 1912-1934: Edmund Schulthess 1934-1940: Hermann Obrecht

1940-1947: Walther Stampfli 1948-1954: Rodolphe Rubattel 1955-1959: Thomas Holenstein 1960-1961: Friedrich Traugott Wahlen 1961-1969: Hans Schaffner 1970-1978: Ernst Brugger 1978-1982: Fritz Honegger 1983-1986: Kurt Furgler 1987-1998: Jean-Pascal Delamuraz 1998-2002: Pascal Couchepin 2003-2006: Joseph Deiss 2006–2010: Doris Leuthard 2010-2018: Johann Schneider-Ammann sit 2019: Guy Parmelin

Weblinks

• Offizielli Website vom WBF

Dä Artikel basiert uff ere fräie Übersetzig vum Artikel „Eidgenössisches_Volkswirtschaftsdepartement“ vu de dütsche Wikipedia. E Liste vu de Autore un Versione isch do z finde.