Max Petitpierre

De Max Petitpierre (* 26. Februar 1899 z Noiäburg; † 25. März 1994 ebefalls z Noiäburg) isch en Schwiizer Politiker (FDP) gsii.

Im Diänscht vom Kanton Noiäburg

Dä Max Petitpierre isch i dä 1930er-Jahr Profässer für Rächt a de Universiteet Noiäburg gsii. 1937 isch er als Verträter vo sinärä Partei, d FDP in Grossä Rat vom Kanton Noiäburg gwählt worde. Ab 1942 hät är sin Kanton im Ständerat verträttä.

Bundesrat

Er isch am 14. Dezember 1944 in Bundesrat gwählt worde. Am 30. Juni 1961 isch er zruggträte. Während siinere Amtsziit isch er em Politische Departement vorgschtande.

Er isch Bundespräsident gsii i de Jahre 1950, 1955 und 1960 und Vizepräsident im Jahr 1949.

Unter anderem isch äs am Petitpierre sis Verdiänscht gsii, dass d'Schwyz 1950 als fünfte weschtliche Staat d'Volksrepublik China diplomatisch anerkännt hät.

Literatur

Paul Widmer, Schweizer Aussenpolitik und Diplomatie von Pictet de Rochemont bis Edouard Brunner. Zürich, ISBN 978-3-03823-632-0 (2. nachgeführte Auflage 2014)
Daniel Trachsler: Bundesrat Max Petitpierre. Schweizerische Aussenpolitik im Kalten Krieg 1945–1961. Buchverlag Neue Zürcher Zeitung, Zürich 2011, ISBN 978-3-03823-670-2.
Max Petitpierre im Munzinger-Archiv (Artikelaafang frei abruefbar)
Daniel Trachsler: Petitpierre, Max. In: Historisches Lexikon vo dr Schwiiz.