Eidgenössischs Departemänt für usswärtigi Aaglägeheite

Us der alemannische Wikipedia, der freie Dialäkt-Enzyklopedy
Eidgenössischs Departemänt für
usswärtigi Aaglegeheite (EDA)
«Corporate Design Bund» – Logo vo de Bundesbehörde vo de Schwiizerische Eidgnosseschaft
Hauptsitz Bärn, Bundeshuus West
Vorsteher

Ignazio Cassis (FDP/TI), Bundesrat
Zahl vo de Mitarbeiter 5800
Ufsicht Bundesrot
Untergeordneti Ämter
  • Generalsekreteriat
  • Staatssekretariat
  • Politischi Direktion
  • Direktion für Ressource und Ussenetz
  • Direktion für Völkerrächt
  • Direktion für Entwicklig und Zsämmenarbet
Website www.eda.admin.ch
Dialäkt: Züridütsch (See)

S Eidgenössische Departemänt für usswärtigi Aaglägeheite (EDA) isch eis vo de sibe Departemänt i dr Schwiiz, es entspricht em Uufgabebereich vo de Usseminischterie in andere Länder. Amig eine vo de Bundesrät schtaht em Departemänt vor.

D Uufgaab vom EDA isch d Wahrig vo de Interässe vo dr Schwiiz im und gägenüber em Ussland. Mittel für das isch di schwiizerischi Ussepolitik, woo d Ziil im Art. 54 Abs. 2 vo dr Bundesverfassig (BV) wie folgt feschtgleit sind:

„Der Bund setzt sich ein für die Wahrung der Unabhängigkeit der Schweiz und für ihre Wohlfahrt; er trägt namentlich bei zur Linderung von Not und Armut in der Welt, zur Achtung der Menschenrechte und zur Förderung der Demokratie, zu einem friedlichen Zusammenleben der Völker sowie zur Erhaltung der natürlichen Lebensgrundlagen.“

Au im Ussepolitische Bricht 2000 vom Bundesrat us em Jahr 2000 sind d Ziil formuliert. Es sind föif Hauptuufgaabe für d Aktivitäte feschtgleit:

  • Wahrig und Förderig vo Sicherheit und Friede
  • Förderig vo de Mänscherächt, Demokratii und Rächtsschtaat
  • Förderig vo dr Wohlfahrt
  • Abbou vo soziale Gägesätz
  • Schutz vo de natürliche Lebensgrundlage

S EDA hät urschprünglich Politischs Departemänt (PD) gheisse und der jewiiligi Bundespräsident hät d Leitig für eis Jahr übernaah. 1888 isch s Departemänt vom Numa Droz umgschtaltet worde und hät de Name Departemänt vom Üssere aagnaah. De Droz isch dem Departemänt für föif Jahr vorgschtande, gfolgt vom Adrien Lachenal, wo dem Departemänt drüü Jahr vorgschtande isch. 1896 isch dr Bundesrat dänn wider zum urschprüngliche Syschtem zrugg, so dass en Bundesrat wider nu für eis Jahr dem Departemänt vorgschtande isch.

Sit 1914 hät s Politische Departemänt siini Bedüütig als Präsidialamt verlore und isch definitiv e normals Departemänt mit eme fescht zueggordnete Bundesrat worde. Sit 1979 firmiert s Departemänt under siim hütige Name.

Departemäntsvorschteher[ändere | Quälltäxt bearbeite]

Weblinks[ändere | Quälltäxt bearbeite]