Löibringe
| Evilard Leubringen | |
|---|---|
 Leubringen | |
| Basisdate | |
| Staat: | Schwiiz |
| Kanton: | Bärn (BE) |
| Verwautigschreis: | Biel/Bienne |
| BFS-Nr.: | 0372 |
| Poschtleitzahl: | 2533 |
| Koordinate: | 584852 / 222288 |
| Höchi: | 697 m ü. M. |
| Flächi: | 3.70 km² |
| Iiwohner: | 2704 (31. Dezämber 2022)[1] |
| Website: | www.leubringen.ch |
 Jubiläumshauue vor EHSM im Ortsteu Magglinge | |
| Charte | |
 Leubringen | |
Löibringe (hochdütsch Leubringen, amtlech französisch Evilard, frankprovenzalisch [nɛvˈlaː/nevˈlaː/nejvˈlaː], franc-comtois [nejvˈleː/nevˈlɛː]) isch e Ywonergmeind im Verwautigschreis Bieu im Kanton Bärn, Schwyz.
Der Ortsteu Magglinge (uf hochdütsch Magglingen u uf französisch Macolin) kennt me wäge der Sporthochschueu.
Geografi
[ändere | Quälltäxt bearbeite]Löibringe ligt am Jurasüdhang oberhaub vo Bieu. Zue dr Gmeind ghöört o no dr Ortsteu Magglinge (dt. Magglingen, frz. Macolin). D Gmeindsflächi bsteit us 29,9 % langwirtschaftlecher Flächi, 40,4 % Waud, 28,8 % Sidligsflächi u 0,8 % süschtigi Flächi.[2] D Nachburgmeinde si Bieu, Orvin, Lamboing u Twann-Tüscherz.
Gschicht
[ändere | Quälltäxt bearbeite]Löibringe isch zum erschte Mou im Johr 1300 aus Lomeringen gnennt worde, was zum hüttige dütsche Name Leubringen gfüert het.
D Mönsche dört
[ändere | Quälltäxt bearbeite]Ywohner
[ändere | Quälltäxt bearbeite]Quäuue: Bundesamt für Statistik 2005[3]
| Jahr | 1850 | 1860 | 1870 | 1880 | 1888 | 1900 | 1910 | 1920 |
| Ywohner | 365 | 474 | 500 | 508 | 449 | 560 | 633 | 816 |
| Jahr | 1930 | 1941 | 1950 | 1960 | 1970 | 1980 | 1990 | 2000 |
| Ywohner | 870 | 906 | 1112 | 1467 | 1914 | 2275 | 2360 | 2376 |
2010 si 10,7 % vo de Ywohner Usländer gsi.[2]
Sproch u Dialäkt
[ändere | Quälltäxt bearbeite]Bir Vouchszeuuig 2000 hei vo de 2376 Ywoner 60 % Dütsch aus Houptsproch aagää, 34,1 % Französisch u 1,5 % Italiänisch.[2]
Dr Ortsteu Magglinge isch traditionell dütschsprochig, Löibringe zwöisprochig. Dr alt frankoprovenzalisch Patois vo Evilard isch wohrschynlech ir eerschte Heufti vom 20. Johrhundert uusgstorbe.
Religion
[ändere | Quälltäxt bearbeite]54,7 % vo de Ywoner si evangelisch-reformiert, 22,4 % si römisch-katholisch (Stang 2000).[2]
Politik
[ändere | Quälltäxt bearbeite]Bi de Nationaurootswahle 2011 het s das Ergebnis gää:[2] BDP 11,9 %, CVP 2,7 %, EVP 1,8 %, FDP 16,8 %. GLP 7,0 %, GP 11,3 %, SP 21,6 %, SVP 18,7 %, Suschtigi 8,2 %.
Gmeindspresidänt vo Löibringe isch dr Daniel Nussbaumer (Stang 2013).
Sport
[ändere | Quälltäxt bearbeite]Im Ortsteu Magglinge het s Bundesamt für Sport si Houptsitz, u ou di Eidgnössisch Hochschueu für Sport isch dört. Drum isch «Magglinge» ou es Sinonym für Spitzesport.
Wirtschaft
[ändere | Quälltäxt bearbeite]D Arbetslosigkeit isch im Johr 2011 bi 1,7 % gläge.[2]
Weblink
[ändere | Quälltäxt bearbeite]
Commons: Evilard – Sammlig vo Multimediadateie- www.leubringen.ch
- Anne-Marie Dubler: Evilard. In: Historisches Lexikon vo dr Schwiiz.
Fuessnote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ 2,0 2,1 2,2 2,3 2,4 2,5 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
