Johann Jakob Stehlin dr Jünger

E aglüegti Version vo derre Site, wo am 25. Septämber 2022 freige worre isch, basiert uff derre Version.

Dr Johann Jakob Stehlin-Buurged (* 25. Merz 1826 z Baasel; † 9. Septämber 1894 z Baasel) isch e Baasler Archidekt gsi. Er isch dr Soon vom Archidekt und Politiker Johann Jakob Stehlin em Eltere gsi und dr Brueder vom Politiker Karl Rudolf Stehlin.

Dr Stehlin het vor allem in Baasel und dr Umgääbig gwirkt. Meereri vo sine Baute si hüte dänggmolgschützt.

Dr Johann Jakob Stehlin der Jüngeri isch uf em Kannefäld-Gottesacker begraabe. Si Graabmol, wo 1886 ufgstellt worde isch, isch uf e Wolfgottesacker versetzt worde, wo dr Kannefäldfriidhoof ufglööst worde isch.

Bauwärk

Umgstaltig vo dr Dalbe-Kiirche z Baasel (1845)
S Kiircheschiff vo dr evangelisch-reformierte Kiirche Rotheflue (1852)
D Siideband-Fabrik De Bary & Cie. im Baasler Willekwardier Gellert (1856; 1960 stillgläigt, 1965 abbroche. Denn si Hoochhüüser dört baut worde.)
S Huus vo dr Baasler Mission (1856/1860)
Fabrikgeböid in dr Müülematt z Liestel (1858; öbbe 1960 abgrisse und denn isch dört e Bruefsschuel baut worde)
Dr Umbau vo dr Willa Meriaa z Münchestäi (1858/59)
Dr Justizbalast z Baasel (1858/1859)
Die Underi Fabrik (Fiechter & Söhne) z Sissech (1859; iim zuegschriibe vo dr Kantonale Dänggmolpflääg Baaselland)
S Undere Kollegium vo dr Alte Uniwersidäät Baasel am Rhiisprung (Ufstockig und Nöigstaltig vo dr Fassaade, 1859/60)
D Kasärne Baasel (1863)
D Willa an dr Dalbe-Vorstadt 24 für e Kaufmaa Carl Vo dr Mühll-Meriaa (1863/1864)
D Willa Gauss z Liestel (1864/1866; hüte dr Sitz vo dr Kantonale Dänggmolpflääg Baaselland)
D Willa an dr Dalbe-Aalaag 64 (1865)
S Pfarrhuus vo dr Baasler Elisabethekiirche (1865/1867)
D Aarbäiter- und Kläibürgersiidlig im Baasler Bachlätte Kwardier(1871/1888, zämme mit em Eduard Vischer für d Baugsellschaft für Aarbäiterwoonige)
S Bernoullianum (1872/1874)
S Theater Baasel (dr zwäit Bau, 1873/1875; 1904 abebrennt, denn wider ufbaut worde; in de 1970er Joor abgrisse worde)
Dr Muusigsaal vom Stadtcasino Baasel (1875/76)
Dr Herrehoof vom Böimlihoof (1876/1878; 1951 abbroche) und dr Umbau vom Wänkehoof (1860) z Rieche
D Kunsthalle Baasel (1869/1872)
D Willa „Monbijou“ z Hilterfinge (1890)

Dr elteri Däil vom Baasler Hauptgeböid vo dr Schwizerische Bost (1852/1853; für dr nöijeri Däil het dr Stehlin zwar 1876 au en Entwurf gmacht, s Guetachte vom Conrad Wilhelm Hase isch aber negativ usgfalle und dörum het mä d Blään vom Östriicher Friedrich von Schmidt verwirkligt)

und no mee Gwärb- und Brivatgeböid

Schrifte

Johann Jacob Stehlin-Burckhardt: Architectonische Mittheilungen aus Basel. Wittwer, Stuttgart 1893
In dr Bibliothek vo dr Uniwersidäät Baasel befindet sich e dreibändigi Mabbe „Photographische Aufnahmen seiner Bauten“. Band 1 „Öffentliche Bauten“ (42 Tafeln), Band 2 „Privathäuser“ (44 Daafele), Band 3 „Grabmonumente“ (10 Daafele).

Literatur

Romana Anselmetti: Stehlin, Johann Jakob d. J. In: Isabelle Rucki, Dorothee Huber (Hrsg.): Architektenlexikon der Schweiz - 19./20. Jahrhundert. Birkhäuser, Basel 1998. ISBN 3-7643-5261-2, S. 507 f.
Rose Marie Schulz-Rehberg: Architekten des Klassizismus und Historismus. Bauen in Basel 1780-1880. Basel 2015, S. 149–172
J. J. Stehlin-Burckhardt. In: Schweizerische Bauzeitung. Band 24, Nr.11, 1894 (e-periodica.ch}

Weblingg

Romana Anselmetti: Stehlin, Johann Jakob. In: Historisches Lexikon vo dr Schwiiz.

Dä Artikel basiert uff ere fräie Übersetzig vum Artikel „Johann_Jakob_Stehlin_der_Jüngere“ vu de dütsche Wikipedia. E Liste vu de Autore un Versione isch do z finde.