Theater Basel

Us der alemannische Wikipedia, der freie Dialäkt-Enzyklopedy

Koordinate: 47° 33′ 10″ N, 7° 35′ 24″ O; CH1903: 611400 / 266900

Dialäkt: Baseldütsch
S Theater Baasel, 2006. Im Vordergrund dr Fasnachts-Brunnen vom Jean Tinguely.

S Theater Basel isch s Schdadttheater vo der Schdadt Basel. Im Spiilblan schdöhn Schauschbiil, Opere, Operette und Ballett. Wil s Theater Basel kei eignigs Orchester het, wird im allgemeine s Sinfoniiorchester Basel verpflichdet. Bi Barockopereproduktione schbiilt s Barockorchester La Cetra vo dr Schola Cantorum Basiliensis, wo vom Paul Sacher gründet worden isch. Sit dr Saison 2006/2007 wird au mit dr basel sinfonietta zsämmegschafft. Für d Eröffnig vo dr Operesaison 2007/2008 isch zum erschde Mol s international bekannte Kammerorchester Basel engagiert worde, für ä Neuproduktion vom Mozart siiner Entfüerig us em Serail. S Theater isch mit siine Opereuffüehrige bekannt worde, und d Fachzitschrift Opernwelt het s 2009 und 2010 zum Operehuus vom Johr gwehlt.

Im Ballett het sich s Stadttheater under em Ballettmäister Waclaw Orlikowsky vo 1955 aa en internazionaale Naame gmacht. Dr Erfolg vom Baasler Ballett in dere Zit, wo sich stark am klassische Danz orientiert het, isch as s Baasler Ballettwunder in d Gschicht iigange.[1]

Dr Name Theater Basel wird sit 1968 bruucht. Denn isch s Brivattheater „Komödie“, wo 1950 gründet worden isch, as Schauschbiilhuus zum Basler Stadttheater cho.

Baugschicht[ändere | Quälltäxt bearbeite]

Theaterbrand 1904

S Basler Schdadttheater isch 1834 gründet worde as s Theater uf em Blömli. S erschde Gebäud isch vom klassizischdische Architekt Melchior Berri baut worde und het 1'300 Blätz gha, was ä bedrächtligi Grössi gsi isch für ä Schdadt wie Basel, wo denn nume 26'000 Iiwohner gha het.

1873–1875 het dr Johann Jakob Stehlin dr Jünger am Stäinebärg ä vierrängigs neobarocks Gebäud baut, wo am 7. Oktober 1904 im enä Brand zerschdört, aber denn widr ufbaut worden isch. 1909 isch d Widreröffnig gsi.

Noch em Bau vom jetzige Gebäud mit siinere charakterischtische unregelmässige Form und em gschwungene Dach, wo 1975 eröffnet worden isch, isch s alte Huus nääbedraa gschbrängt worde. Dr Bau het dr Kanton Basel-Stadt 60 Millione Franke koschdet. Der Blatz, wo s Theater dra lit, isch än offeni Flechi mit Bäum zringsum. Bemerkenswärt si d Kunschdwärk us Iise vom Richard Serra und vom Jean Tinguely (dr Fasnachtsbrunne - mechanischi Wasserschbiil zmitzt im enä Brunne.)

S Schauspiilhuus, 2009

S Theater Basel het im grosse Huus faschd 1'200 Blätz, die Chliini Bühni im gliiche Gebäud het meh as 320 Blätz. D "Komödie" in der Steinevorstadt, wo im Johr 1950 gründet worden isch und 1968 zum Schauspiilhuus vom Theater Baasel worde isch, het 600 Blätz gha. Si isch im Herbscht 2001 gschlosse worde und isch ersetzt worde vom ene Schauschbiilhuus, wo vom Architekturbüro Schwarz-Gutmann-Pfister us Basel blant und im Januar 2002 an der Steinedoorschdrooss ufgmacht worden isch. Es het Blatz din für öbbe 480 Zueschauer.

Diräkter[ändere | Quälltäxt bearbeite]

Schauschbiildiräkter[ändere | Quälltäxt bearbeite]

Operediräkter[ändere | Quälltäxt bearbeite]

Ballett- bzw. Tanztheaterdiräkter[ändere | Quälltäxt bearbeite]

Galerii[ändere | Quälltäxt bearbeite]

Weblingg[ändere | Quälltäxt bearbeite]

 Commons: Theater Basel – Sammlig vo Multimediadateie

Fuessnoote[ändere | Quälltäxt bearbeite]

  1. Wazlaw Orlikowsky, abgrüeft am 20. April 2016
Dä Artikel basiert uff ere fräie Übersetzig vum Artikel „Theater_Basel“ vu de dütsche Wikipedia. E Liste vu de Autore un Versione isch do z finde.