Wolfgottesacker
| Dialäkt: Baseldütsch |
Dr Wolfgottesacker isch e Friidhoof z Baasel. Er lit im Oste vo dr Stadt uf stedtischem Gebiet näbe de Gläis vo dr SBB und bildet e grüeni Insle im Industrii- und Gwärbgebiet zwüschen em Rangschierbaanhoof «Wolf» und em Dramdepo «Dreispitz».
Dr Wolfgottesacker isch, abgsee vom Dalbe-Kiirchhoof, wo nume chliini Däil von em erhalte si, dr eltist Baasler Friidhof, wo zum grösste Däil no erhalte isch, und wird, im Geegesatz zu alle andere historische Friidhööf au hüte no benützt. Er isch äins vo de bedütendste Schwizer Bischbil für früeji Friidhööf, wo landschaftlig gstaltet si. Dorum stoot er uf dr Liste vo de Kulturgüeter in dr Stadt Baasel, wo nazionali Bedütig häi.
Litratuur[ändere | Quälltäxt bearbeite]
- Anne Nagel (Verf.), Gesellschaft für Schweizerische Kunstgeschichte (Hrsg.): Der Wolfgottesacker in Basel. Schweizerische Kunstführer GSK 532, Bärn: Stämpfli 1993, ISBN 3-85782-532-4.
- Matthias Buschle, Daniel Hagmann: Gräber und Geschichten. Basel und seine Toten. Baasel: Christoph Merian 2008, ISBN 978-3-85616-378-5.
Weblingg[ändere | Quälltäxt bearbeite]
- Der Wolfgottesacker, altbasel.ch
- Wolfgottesacker, Bau- und Verkehrsdepartement des Kantons Basel-Stadt, Stadtgärtnerei (PDF-Datei; 590 kB)
Koordinate: 47° 32′ 25″ N, 7° 36′ 30″ O; CH1903: 612770 / 265510