Zunzgen

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Zunzgen
Wappe vo Zunzgen
Basisdate
Staat: Schwiiz
Kanton: Basel-Landschaft (BL)
Bezirk: Sissachw
BFS-Nr.: 2869i1f3f4
Poschtleitzahl: 4455
Koordinate: 627779 / 25572647.4517397.806968397Koordinaten: 47° 27′ 6″ N, 7° 48′ 25″ O; CH1903: 627779 / 255726
Höchi: 397 m ü. M.
Flächi: 6.87 km²
Iiwohner: 2493 (31. Dezämber 2013)[1]
Website: www.zunzgen.ch
Charte
Deutschland Deutschland Kanton Aargau Kanton Solothurn Kanton Solothurn Bezirk Liestal Bezirk Waldenburg Anwil Böckten Buckten Buus Diepflingen Gelterkinden Häfelfingen Hemmiken Itingen Känerkinden Kilchberg BL Läufelfingen Maisprach Nusshof Oltingen Ormalingen Rickenbach BL Rothenfluh Rümlingen Rünenberg Sissach Tecknau Tenniken Thürnen Wenslingen Wintersingen Wittinsburg Zeglingen ZunzgenCharte vo Zunzgen
Iber des Bild
ww
Dialäkt: Baseldytsch

Zunzge (hochdytsch Zunzgen) isch e politischi Gmeind im Bezirk Sissech vom Kanton Basel-Landschaft in dr Schwiiz.

Lag[ändere | Quälltäxt bearbeite]

Zunzge liggt uff 397 m.ü.M. am undere-n-Änd vom Diegtertal a dr Autobahn A2. Nochbergmeinde sin Ütige, Sissech, Dürne, Dännike und Höllschtä.

Wappe[ändere | Quälltäxt bearbeite]

S Wappe exischtiert sit 1948. Uffeme goldige Fäld stoht uff eme rote Bärg e schwarze Turm mit Zinne. Symbolisiert wird dodrmit dr Heidebüchel mitsamt dr ehemoolige Burg. D Farbe gääl-rot zeige die friener Zuegheerigkeit zur Herrschaft Habsburg-Laufeburg.

Gschicht[ändere | Quälltäxt bearbeite]

1323 wird dr Ort als Zunzkon s'erschti Moll erwäänt und hett wool ursprynglig zer Herrschaft vo dr Homburg gheert. Wie bie Diegtä und Dännike handlet sichs eigentli um ein friehmittelalterlig-alemannische Ortsname uf -ing, wo mit em druffolgende -hofen verschmolze isch und zu -kon oder -gen abgschliffe worde isch. Flurnäme und en bsundere Hügel spräche aber für e frieneri Besiidlig. Dä Hügel - dr "Büchel" ischs Woorzeiche vo Zunzge. Är isch ca. 30 m hoch und hett e Volume vo ca. 6000 Kubikmeter. E Datierig isch bishärn nid möglich gsi, en Untersuechig 1950 hett Teil vonere friehmittelalterlige Burgalag (ca. um 900) zem Vorschiin brocht. Dr Sag noch sell dr Hunnekeenig Attila do begrabe syy. Au e Begräbnisstett uss dr Zyt vor Völkerwanderig isch allerdings wyter möglig.

1223 isch dr Ort in Bsitz vo de Grafe vo Habsburg-Laufeburg ko, wo dr Ort an die Edle vo Frick, speeter vo Eptige, verleent hän. 1461 isch dr Ort an d Stadt Basel glangt. Währenddäm um 1700 ca. 200 Lyt z'Zunzge gläbt hän, sins 1900 scho 685 gsi. 1956 hett me d'Tuusger-Gränze überschritte. Wichtigscht Arbetgäber für vili Joore isch d Basler Yysemöbelfabrik gsi, wo 1899 gründet worde isch.

Sehenswürdigkeite[ändere | Quälltäxt bearbeite]

Woorzeiche vom Ort isch dr Heidebüchel, wo um die erscht Joortuusigwändi e Holzburg treit het. Dr Büchel isch ca. 30m hoch, sin Ursprung nid klar (lueg Gschicht). Ebefalls sehenswärt isch die gwölbti Dorfbachbrugg uss Stai.

Lüt[ändere | Quälltäxt bearbeite]

Fuessnote[ändere | Quälltäxt bearbeite]

  1. Statistik Schweiz – STAT-TAB: Ständige und Nichtständige Wohnbevölkerung nach Region, Geschlecht, Nationalität und Alter (Ständige Wohnbevölkerung)

Weblink[ändere | Quälltäxt bearbeite]


Dä Artikel basiert uff ere fräie Übersetzig vum Artikel „Zunzgen“ vu de dütsche Wikipedia.

E Liste vu de Autore un Versione isch do z finde.