Anwil

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Anwil
Wappe vo Anwil
Basisdate
Staat: Schwiiz
Kanton: Basel-Landschaft (BL)
Bezirk: Sissachw
BFS-Nr.: 2841i1f3f4
Poschtleitzahl: 4469
Koordinate: 637920 / 25568847.4508917.94143600Koordinaten: 47° 27′ 3″ N, 7° 56′ 29″ O; CH1903: 637920 / 255688
Höchi: 600 m ü. M.
Flächi: 3,96 km²
Iiwohner: 587 (31. Dezämber 2013)[1]
Website: www.anwil.ch
Charte
Deutschland Deutschland Kanton Aargau Kanton Solothurn Kanton Solothurn Bezirk Liestal Bezirk Waldenburg Anwil Böckten Buckten Buus Diepflingen Gelterkinden Häfelfingen Hemmiken Itingen Känerkinden Kilchberg BL Läufelfingen Maisprach Nusshof Oltingen Ormalingen Rickenbach BL Rothenfluh Rümlingen Rünenberg Sissach Tecknau Tenniken Thürnen Wenslingen Wintersingen Wittinsburg Zeglingen ZunzgenCharte vo Anwil
Iber des Bild
ww
Dialäkt: Baseldytsch

Ammel (hochdytsch Anwil) isch e politischi Gmeind im Bezirk Sissech vom Kanton Basel-Landschaft in dr Schwiiz.

Idylle z Ammel

Lag[ändere | Quälltäxt bearbeite]

Ammel ligt uff 600 m ü.M. inere Mulde vom Tafeljura. Es isch die öschtligschti Gmeind vom Baselbiet. Sini Nochbergmeinde sin Oltige, Wäislinge und Roteflueh plus d Aargauer Gmeind Wittnau und d Gmeind Chienbärg im soledurnische.

S Dorf wird vo Gälterchindä us per Poschtauti erschlosse.

Wappe[ändere | Quälltäxt bearbeite]

Als eis vo de wenige Baselbieter Wappe isch s Ammeler Wappe sträng geometrisch: E goldige Querstreife und drunter links e schwarzi und rächts e silbrige Helfti. S goldige Schildhaupt dyttet uff die ehemoolig Herrschaft vo dr Homburg hi und s Schwarz bzw. Silber erinnere an d Stadt Basel bzw. d Herre vo Chienbärg.

Gschicht[ändere | Quälltäxt bearbeite]

Ammel isch 1276 als Weiler des Arno s'erschti Moll inere Urkunde uftaucht. Im Mittelalter ischs Dorf im Bsitz vo de Grafe vo dr alte Homburg gsi. Vo 1400 bis 1534 isches schrittwys an d Stadt Basel ybere gange. Bis 1801 isch Ammel e wichtige Zollort gsi, wills diräkt an dozemol no öschtriichische (habsburgische) Aargau gränzt hett. Bi dr Kantonstrennig hett Ammel mit Härzbluet de Stadtbasler d Stange ghalte. Wo die aber verlore hän, hän sich d Ammeler de Baselbieter miesse aschliesse. Vo däm här isches fascht es bizzeli en Hohn, wenn im Baselbieterlied - dr inoffizielle Hymne vom Kanton - die erschti Strophe mit "Vo Schönebuech bis Ammel" afoht. Das hett zwar geografischi Gründ (Ammel isch die öschtliggsti Gmeind), entbehrt abr trotzdäm nid enere gwisse Ironii.

Sehenswürdigkeite[ändere | Quälltäxt bearbeite]

E Wohnhus z Ammel
  • Dr Dorfbrunne, ein vo de greeschte vom ganze Baselbiet
  • witgehend intakte alte Dorfkärn

Weblink[ändere | Quälltäxt bearbeite]

 Allmänd (Commons): Ammel – Sammlig vo witere Multimediadateie

Fuessnoote[ändere | Quälltäxt bearbeite]

  1. Statistik Schweiz – STAT-TAB: Ständige und Nichtständige Wohnbevölkerung nach Region, Geschlecht, Nationalität und Alter (Ständige Wohnbevölkerung)


Dä Artikel basiert uff ere fräie Übersetzig vu dere Version vum Artikel „Anwil“ vu de dütsche Wikipedia.

E Liste vu de Autore un Versione isch do z finde.