Hemmiken
| Wappe | |
|---|---|
 |
|
| Basisdate | |
| Kanton: | Baselland |
| Bezirk: | Sissach |
| BFS-Nr.: | 2848 |
| PLZ: | 4465 |
| Koordinate: | 47° 29' n. Br. 7° 54' ö. L. |
| Höchi: | 497 m ü. M. |
| Flächi: | 3.39 km² |
| Iwohner: | 272 (31. Märze 2011) [1] |
| Karte | |
 |
|
| Dialäkt: Baseldytsch |
Hämmike (hochdytsch Hemmiken) isch e politischi Gmeind im Bezirk Sissech vom Kanton Basel-Landschaft in dr Schwiiz.
Inhaltsverzeichnis |
[ändere] Lag
Hämmike liggt uf 504m ü.M. zwische Farnsburg und Wischberg imene Talbode. Nochbergmeinde sin Roteflueh, Ormalinge, Buus und die aargauische Hellike und Wägestätte.
[ändere] Wappe
S Wappe vo 1945 zeigt Staihauerwärkzüg - eis stehend, zwai gkryzt - uff goldigem Grund. D Farbe stamme vom Graf vo Froburg.
[ändere] Gschicht
Dr Ortsname goot zrugg uff en Personename - Hammo oder Hemo - mit dr Sippebezeichnig -ing, wo mit em druffolgende -hofe verschmolze isch. Durch Abschleifig hett sich d Ändig -ken ergeh. D Siidligsgründig isch dodrmit woorschiins alemannisch. Im spote Mittelalter hetts Dorf zur Herrschaft Thierstei-Farnsburg gheert, wo 1461 an d Stadt Basel gfalle isch. Will Hemmike an s' öschtriichisch-habsburgische Fricktal gränzt hett, hett dr Ort hyffiger in Chriegszyte under Brandschatzige miesse lyyde, so im Schwobechrieg und 1633 im drissgjöhrige Chrieg. Scheen bhaueni Türstürz, Ofeplatte etc. züge vo dr bliehende Steihauerei vom 18. und 19. Joorhundert. Verwändet worde isch Schilfsandstei, wo südlig vom "Schlegel" abbaut worde isch. Import und Schwiirigkeite bim Abbau hän d Steihauerinduschtrie z'Hämmike yygoo loo. 1917 isch dr letschti Hämmiker Steihauer gstorbe.
[ändere] Sehenswürdigkeite
- Steihauereie im Ortskärn
- „Zürrergarten Hemmiken“
[ändere] Weblink
- Hemmike hett kei offizielli Website
- Infos vom Kanton
- Artikel Hemmiken im Historische Lexikon vo dr Schwiiz
