Hölstein

Hölstein
Basisdate
Staat:	Schwiiz
Kanton:	Basel-Landschaft (BL)
Bezirk:	Waldenburg
BFS-Nr.:	2886
Poschtleitzahl:	4434
UN/LOCODE:	CH HSN
Koordinate:	624749 / 25366747.4333357.766673422Koordinate: 47° 26′ 0″ N, 7° 46′ 0″ O; CH1903: 624749 / 253667
Höchi:	422 m ü. M.
Flächi:	6.02 km²
Iiwohner:	2374 (31. Dezämber 2011)
Website:	www.hoelstein.ch
	Dä Ortsygang fo Bämbel und Diägte heer
Karte

Dialäkt: Baseldytsch

Höllschtä (hochdytsch Hölstein) isch e politischi Gmeind im Bezirk Waldeburg vom Kanton Basel-Landschaft in dr Schwiiz.

Lag [ändere]

Höllschtä liggt zwische dr Kantonshauptstadt Lieschtel und em Bezirkshauptort Waldeburg im Tal vo dr hinterä Fränke. Es wird durch d Hauptstroos yber dr Oberi Hauestei vo Lieschtel uss mit em Mittelland verbunde. Au s Waldeburgerli faart durch Höllschtä. Nochbergmeinde sin Buebedorf, Ramschbrg, Zunzge, Dännikä, Diegtä, Bämbel, Niiderdorf und Lampäbrg.

Wappe [ändere]

S Wappe (sit 1945) zaigt e silbrige Adler mit goldige Fäng uff rotem Grund (um ninzig Grad drait). S Wappe erinnert an d Bsitzer vom Dorf im 14. und 15. Joorhundert.

Gschicht [ändere]

Höllschtä isch 1093 s'erschti Moll erwäänt worde als Hulestein. Dr Name bedytet hohle Stei oder bim hohle Fels und hett nyt mit dr Höll ztue. Im 14. Joorhundert isch Dorf e Lehe vo de Ziefner gsi, emene Zwyyg vo de Eptinger, wos Dorf mehrmolls gege Basler Bsitzesglüscht hän miesse verteidige. 1629, 1830, 1924 und 1926 isch Höllschtä vo Hochwasser vo dr hinderä Fränke heimgsuecht worde. Bis zer Ereffnig vo dr Centralbahnlinie Basel-Olte hän vili Höllschtner vom Transport yber dr Ober Hauestei gläbt. 1904 isch d Uhrefabrik Oris uffgange, wo bis 1982 exischtiert hett. Die hyttig Oris SA verkauft no immer Uhre, aber lot sy nimme z'Höllschtä produziere.