Hombrechtikon

Wappe
Zahle
Kanton:	Züri
Bezirk:	Meile
BFS-Nr.:	0153
Flechi:	12.19 ha
Koordinate:	47° 15' n. Br., 8° 46' ö. L.
Sprach:	Züritüütsch
Amtssprach:	Tüütsch
Höchi:	464 m ü. M.
Iiwoner:	7466 (31. 12. 2004)
Gemeindspresidänt:	Max Puur (FDP) (2009)
Weblink:	http://www.hombrechtikon.ch

Humbrächtike isch e Gmäind am obere rächte Seeufer vom Züriseeufer i de Schwiiz. D Gmäind hät 7466 Iiwoner (Stand 31 Dez. 2004) und isch im Bezirk Meile im Kanton Züri.

Wappe

S Wappe isch root mit ere goldige Garbe. D Garbe bedüüti de Zäänte, won d Humbrächtiker früener em Chlooschter händ müesse zale. S eltischti Bild vom Wappe isch vo 1676. S isch uf em Chileturm.

Geographii

Fäldbach une am Zürisee

Humbrächtike isch 1'220 ha gross. 61 % devo wärded für d Puurerei pruucht und 15 % sind Wald. S Dorf isch a de Gränze zwüsched em See und em Oberland uf em Rugge vom Pfannestiil. De Ort Fäldbach und d Baanstation sind aber une am See. Wiiler sind Üetzike, Tändlike, Härrgass, Luutike, Lützelsee und Schirmesee.

Oberhalb vom Dorf inere Mulde sind s Üetziker Ried und de Lützelsee. Bed zäme sind e Moorlandschaft vo nationaler Bedüütig.

Bevölkerig

Bevölkerigsentwicklig
Jaar	Iinwoner
1634	617
1772	1501
1850	2649
1900	2292
1950	3079
1970	4589
1990	6865

De Uusländeranteil isch 16.9 %.

• Religion: 45.1 % reformiert, 29.2 % römisch-katholisch.

Sehenswürdigkäite

S Eglihuus vo 1666 z Luutike.

S Mänzihuus vo 1733 im Wiiler Lützelsee.

S Stricklerhuus von 1690 mit em Dorfmuseum.

Längsflarz im Grütrai mit em flache Tätschdach.

• Die Reformierti Chile isch 1758–59 vom Jakob Gruebenma als Rokokochile pout worde. De Turm isch vo de spaatgotische Chile wo vorane deet gschtande isch.
• Puurehüüser i de verschidnige Wiiler: z Schirmesee s ehemalige Gaschthuus Rössli, z Fäldbach di spaatgotisch-barocki Hüüsergruppe vo de Familie Büeler, im Lützelsee s Huus Mänzi - en repräsentative Rigelbou vo öppe 1680 -, z Luutike s Huus Egli - e schön bemalts Rigelhuus vo 1665-66 - und im Langenried s Huus Tändliker vo 1683.

Persönlichkeite

• Romeo Borbach (* 1938), Jazzmusiker
• Amalie Halter-Zollinger (1892-1985), Mundartdichteri und Schriftstelleri
• Constantin Polastri (1933-2009), Kunstmaler

Lueg au

 Allmänd (Commons): Hombrechtikon — Witeri Mulitimediadateie zum Artikel

• Artikel Hombrechtikon im Historische Lexikon vo dr Schwiiz

Quälenaagabe

 Allmänd (Commons): Humbrächtike — Witeri Mulitimediadateie zum Artikel